|
التعديلات الشكلية موضوعات التعديلات الشكلية على السيارة خارجيا او داخلياً او ما يسمى بال - car Styling visual tuning |
|
أدوات الموضوع |
#1
|
||||
|
||||
اصنع الرينجات بنفسك...فيديو ( ياريت فعلا نتناقش فيه لانه مهم )
السلام عليكم ورحمة الله وبركاته
في اول مشاركاتي معكم في المنتدى الجميل احب فعلا اشكر كل الاعضاء والقائمين على جمال الموضوعات والروح الطيبه ادامها الله طبعا تركيب الرينجات في الفوانيس بيغير شكل الفانوس وبيزود شعور الرضا وانت سايق عربيتك لكن برضو انا لقيت ان اسعاره وتركيبه مبالغ فيها قوي وحسيت ان الموضوع ميستاهلش كل ده ولقيت الفيديو ده عن تصنيع الرينجات بنفسك ولكن في كام مشكله هتقابلنا اولهم صعوبة فك الفانوس في ناس قالت نفكه بالشمعه او السشوار وفي فيديو لقيتهم بيحطو في الفرن على درجة 120 لمدة خمس دقائق وفي الفيديو ده تم الحفاظ على المادة اللاصقه لوش الفانوس واتعمل نفس الطريقه للزقه مره تانيه بأنهم مسكوا الوش في الفانوس بكلابات وحطوه تاني في الفرن وبعد كده خرجوه يبرد وينشف المشكله التانيه في الخامات يعني هنا هو استعمل عصا بلاستيكيه شبة الشمع اللاصق بتاع المسدس بس بلاستيك طبعا انا معرفتش دي جابها منين وبتاعة ايه بس طبعا بحثت ودورت كتير لحد ما توصلت انها بتستخدم في الستائر المعدنيه بس برضو معرفش تتجاب منين في مصر المشكله اللي بعد كده هي استخدامه في اخر الفيديو شريط عاكس Reflecting tape زي شريط اللحام كده بس بيقول ان ده بيعمل انعكاس للضوء وبالتالي هيتركز ياتري ده برضو بيتجاب منين واسمه ايه في مصر والمشكله الاهم هي انه مستخدمش الموتور اللي بيجي مع الرينجات هل فعلا مش هنحتاجه ولا ايه وطبعا في مشكله ممكن ناس تقابلها وناس لأ هي تكوين الفانوس نفسه يعني في فانوس فيه عيون زي سهل نركب الرينج فيه لكن فاننوس زي الاكسنت بتاعتي نركب الرينج على ايه طبعا الهاوسنج بتاع الفانوس المرايا ده بيترش عادي (سموك) وهنوفر تكلفة عمله برا بمجرد هنستخدم اتنين سبراي واحد رمادي والتاني اسود الرمادي بنعمل بيه طبقه بسيطه جدا ونتركها ربع ساعه وبعد كده الاسود خفيف ونسيبه ربع ساعه تاني ونديله اخر وش خفيف قوي برضو اسود بس الفكره بعد ما نرشه سموك هنجيب منين عدسه لأني اعتقد ان الضوء هيضعف مع اني جربت الرش بنفسي على فانوس عندي قديم لقيته مش بيضيع تأثير العاكس بدرجه كبيره لو اترش زي ما قولنا خفيف قوي انا ادعو كل المهتمين للنقاش معا في الموضوع ده بعد مشاهدة الفيديو عشان نعرف هنجيب منين الخامات دي خصوصا ان اسعارها برا مش هتزيد عن 15 دولار يعني تقريبا بتاع سبعين او ثمانين جنيه واعتقد اقل كمان طبعا ده غير المتعه اللي هنعيشها واحنا بنشتغل بنفسنا وانا بالنسبالي الموضوع اهم من اني يكون عندي الحاجه دي ده الفيديو http://youtu.be/0JSMQk61xQ8 ووشكـــــرا
__________________
|
#2
|
||||
|
||||
رد: اصنع الرينجات بنفسك...فيديو ( ياريت فعلا نتناقش فيه لانه مهم )
ده طلع تصنيع الرينجات سهل جدا
بس المشكله ازاى افك الفانوس
__________________
ما كان لله دام واتصل..وما كان لغير الله انقطع وانفصل |
#3
|
||||
|
||||
رد: اصنع الرينجات بنفسك...فيديو ( ياريت فعلا نتناقش فيه لانه مهم )
الموضوع اكثر من رائع
|
|
|