رد: إزاي أروح ميدان الحجز من رمسيس
بص يا سيدي
في ميدان رمسيس هتاخد شارع رمسيس طوالي مرورا بغمرة ثم الدمرداش هيقابلك كوبري ممكن تطلعه و ممكن تاخده من تحت مش هتفرق ........المهم هتلاقي نفسك في ميدان العباسية......من ميدان العباسية في طريق طوالي ده بيودي مدينة نصر و في كسرة شمال دي انت هتاخدها لما تدخل شمال و تمشي هتلاقي في الشارع ده ( الخليفة المأمون ) على شمالك الكلية الفنية العسكرية و المعد الفني و يمينك جامعة عين شمس .......هتمشي علطول لغاية ما تلاقي اشارة ( كوبري القبة ) عديها و كمل علطول مع الميكروباصات لغاية ما توصل اول جسر السويس.......امسك جسر السويس ده طوااااااااااالي علطول مرورا بمستشفى منشية البكري و اشارة روكسي و العزيز بالله لغاية كوبري اسمه كوبري التجنيد ......اطلعه او خدها من تحت مش هتفرق و كمل برضه في جسر السويس لغاية ما توصل الالف مسكن................في الالف مسكن محل سمك مشهور جدا اسمه دولفين هتخش من جنبه يمين و تمشي علطول محطة واحدة تبقا وصلت بالسلامة ميدان الحجاز..........
الطريق بتاعك ده من رمسيس فيه ميكروباصات بتروح الالف مسكن لو مشيت معاها هتوصل و لو اتلخبط في السكة اسال اي حد منهم
توصل بالسلامة
|