#1
|
|||
|
|||
السيارة الأونو - مميزاتها وعيوبها
السلام عيكم ورحمة الله وبركاته
كان عندي عربية فيات أونو بدون تكييف موديل 2002 بولندي ، وفضلت معايا سنتين وبعدين بعتها وحبيت أنقل لحضراتكم التجربة كما عشتها ، للإستفادة أولا : مميزات العربية الأونو : 1- ماتورها 1000 cc ، وده معناه إنها إقتصادية جداً في البنزين " بتشم ريحة البنزين " . 2- شكلها حلو وإنسيابي جدا ، وخظوطها الخارجية ناعمة ، وده بيديها أفضلية في عملية إختراق الهواء . 3 - سريعة وسحبها يديها أكبر من ال cc بتاعها . 4 - عائلية ومناسبة لأسرة مكونة من زوجين وطفلين . 5 - واسعة من الداخل وقاعدتها مريحة . 6 - أبعادها تقدر تلمها بعنيك وإنت جوه العربية . 7 - ماتورها سهل إنك تشوف كل جزء فيه جوه الحوض بتاعها . 8 - خفيفة الوزن - 630 كجم - و تقدر أي ست تزقها بسهولة . 9 - لوحة العدادات بتاعتها بسيطة تقدر تقراها بكل سهولة . 10 - حجمها الخارجي صغير وتقدر تركن في أي مساحة صغيرة بسهولة . 11 - فتيسها ناعم جدا جدا ونقلاتها متحسش بيها . 12 - تقفيل العربية من الداخل كويس جدا . ثانيا : عيوب العربية الأونو : 1 - قطع غيارها غالية جدا . 2- فيه قطع غيار ليها مش موجودة جديده وتتركب مستعملة " وبختك ياأبو بخيت ". 3 - العربيه بسكوته خالص يعني حته غريبة ، شاسيها ضعيف جدا من أي خبطة إن شاالله في رصيف ولو بسيطة يتأثر الشاسيه علي طول وإستعداله مؤرف وصعب يرجع زي الأول بسهولة . 4 - شنتطها صغيره جدا ، يعني في أي سفر صعب أنها تشيل كل الشنط وتحتاج شبكة . 5 - مش بتاعة بهدلة وطرق مدغدغة وسفر في مناطق وعرة يعني عايزة طريق محترم وكويس علشان تديك أفضل آداء ليها . 6 - إعتمادها الكامل علي الكهرباء يخلي أي سلك يضرب فيها أو حتي يحصل ليه حاجة يبرجل العربية كلها وتحس إنها مش مظبوطة . 7 - في رأيي إنها تناسب الستات أكتر من الرجالة " إللي إشترت العربية بتاعتي واحدة ست كانت بتدور علي أونو ". 8 - عفشتها ضعيفة جدا مش بتاعة طرق مكسرة وتتأثر بسهولة من الطريق . 9 - واطية من الأرض ولو 3 قعدوا ورا وخدت بيها مطب تاني يوم أكيد وإن شاء الله وبدون مقاطعة بتروح علي بتاع الشكمانات يروقهالك من تحت . مع خالص تحياتي د / خالد ptmnlo123per154 |
#2
|
|||
|
|||
رد: السيارة الأونو - مميزاتها وعيوبها
تمام، الله ينور عليك، تقرير ممتاز، وبصراحة أنا شايف إن عيوبها مؤثرة جدا، يعني بصراحة ما تنفعش راجل عنده عيلة وعيال ممكن يسافر بيهم، دي عايزة طالبة في الجامعة مثلا، وشكرا ليك
|
#3
|
||||
|
||||
رد: السيارة الأونو - مميزاتها وعيوبها
حرام انا لسه جايبة عربية اونو عملت الموضوع متاخر ليه وانا طريقي كله مكسر انا ساكنة في اكتوبر وبجي المنيل
__________________
meemee hamza اللهم لا اله الا انت سبحانك اني كنت من الظالمين |
#4
|
||||
|
||||
رد: السيارة الأونو - مميزاتها وعيوبها
شكرا على التقرير
|
#5
|
||||
|
||||
رد: السيارة الأونو - مميزاتها وعيوبها
بس انا اونو ايطالي وانا صممت اجيب 94 علشان ايطالي ومن اول 95 مصري وبولندي
__________________
meemee hamza اللهم لا اله الا انت سبحانك اني كنت من الظالمين |
أدوات الموضوع | |
|
|