#1
|
سينما رينيسانس أسيوط
سينما رنيسانس أسيوط أنها حقا ً سينما محترمة ......... !! تخيل نفسك رايح سينما رنيسانس أسيوط تشوف فيلم علي بابا و الأربعين حرامي و علي فكرة ده الفيلم الوحيد إللي بينعرض في السينما ع طول يا سلااااااااااااااام ؟!! أكيد مستغرب !! لو مش مصدق جرب و أدخل م الباب .. هيجري عليك الحرامية وهما بيهتفو ( تعالي يا باشا أوصلك القاعة ) و أول ما يدخلوك هتسمع صوت غريب طالع من الراجل إللي دخلك الوكر برجليك بيقول مع المؤثرات الصوتية طبعا ً ( البقشيش بتاعنا يا باشا بعد إذنك ) لأ بص كده و لاحظ كويس الجملة دي ( البقشيش بتاعنا ) عايزك بقي تجرب معاهم لعبة !! قولو كده : مش معايا فكة هتلاقية سبحان الله بتحول لعفريت أو مارد جبار و يقولك _ كل ده طبعا ً مع المؤثرات الصوتية _ شوبيك لوبيك هات أفكلك جرب تاني كده و قولو : أنا بتعامل بالكريدت كارد هتلاقية بردو سبحان الله بيتحول لمكينة صرف ألي بشرية و يقولك حط الكارت و أنا أطلعلك دهب - بس تبقي تحطهولو بالراحة - جرب كده و أديلو مثلا ً 5 جنية و بعد ما تديهالو خلي عنيك في عنيه و حاول تفهم الشتايم إللي هيقولهالك في سره و هو ماشي و هو ماشي ؟؟!! مين قال إنو أصلاً هيمشي !! دا هيطلع البلا الأزرق علي جتتك طول ما أنت قاعد و يا سلام لو كانت معاك مزة هيفضل يلف حواليكو و يلف و يلف و يلف التعلب فات فات و في ديلو سبع لفات و يا معلم هيستنالك غلطة و لو غلطت تبقي وقعت و عشان تعدي الليلة أدفع كمان للعفريت عشان ينصرف و أنت طالع عّد كده فلوسك ........... !! هاه ........ كام ؟؟ بذمتك .. عجبك فيلم علي بابا و الأربعين حرامي و لا لأ ؟؟!!!!
__________________
م . نبيل عبد الرحمن مصر موتورز الإسكندرية
|
أدوات الموضوع | |
|
|