المشاركة الأصلية كتبت بواسطة mr_astra
السلام عليكم  الموتور بالحالة دى لا يمكن الحكم علية قبل ما يتفتح ويبان محتاج اية حضرتك بتقول ان الموتور مش بيرزع لكن هل تضمن ان بعد عمل شنبر ويمكن شمايز وان بكدة يبقى حكمنا فوق هل تضمن انة مش هايرزع.....بالعكس طالما حكمت فوق يبقى احتمال كبير جدا انة يرزع تحت حضرتك بتقول ان العربية سحبها ممتاز ودة طبيعى لان المواتير المفوتة بتبقى فى السحب افضل لكن فى المطالع واما تكون محمل ناس معاك هتلاقى العربية مش قادرة تمشى راى المتواضع اسال على الموتور استيراد بكام اسال على حاجة العمرة بكام ودى مكونتها عمل عدد 4 شمايز ( خراطة ) طقم شنبر (بضاعة ) عمل قواعد ورودية لوش السلندر مع تركيب جلد صباب جديد ( خراطة ) طقم جوانات (بضاعة ) طقم سبيكة (بضاعة ) طقم هلايل ( بضاعة ) تجليخ الكرنك ( خراطة ) مصنعية ميكانيكى غيار زيت فلتر زيت 40 لتر بنزين غيار زيت ( بعد التليين ) وقفتك عند الميكانيكى اول يومين بكام وقارن فى الاسعار وخد بالك انك هتاخد جميع ادوات التغذية وتخليها عندك سبير وربنا يوفقك |
والله كلام ممتاز......وانا متفق تماما مع انك تشتري متور استيراد
ولكن مبدئيا جرب الي هقولك عليه:
1-غير فلتر الهوا
2-غير زيت المتور والفلتر وحط زيت ريميولا بتاع الديزل وحط معاه كمان كانز زيت شنبر
3-هات بوجيهات سن قصير وهات كرسي بوجيه من بتوع قطع غيار الفيات وركبه مع البوجيه الي بيجي عليه الزيت
4-جرب تغير كوتشه صباب جايز يطلع العيب فيها وتتحل المشكله
المفروض ان المتور هيزبط بنسبه عاليه جدا(وده مجرد مسكن)عشان يمشيك شويه وتوفر بوجيهات وعطله وياريت متحملش على المتور او تشغل تكييف مثلا لغايه لما تغير المتور
__________________
اتق لله حيثما كنت...واتبع السيئه الحسنه تمحها...وخالق الناس بخلق حسن
اللهم احسن وقوفنا بين يديك ولا تخزنا يوم العرض عليه
اللهم اغفر لنا ولوالدينا ولمن له حق علينا
