[AbOnOrA]

المشاركة الأصلية كتبت بواسطة mrastra مجهود رائع ومفيد ولك منى كل التحية والتقدير بس لى تعليق بسيط لية الشركة المصنعة للمحرك والناقل السرعات عملت طبة لتنزيل الزيت فى الموتور ومعملتش طبة تنزيل زيت فى الفتيس اى شركة بتصنع حاجة وبيكون فى اجراء بيتعمل بانتظام كل كذا الف كيلو لازم يكونو مجهزين وسائل لاجراء عملية الاصلاح مش ممكن مش ممكن يكون الزيت بيتغير كل 40 الف مثلا زى ما بيتقال والمصنع ما يعملش طبة لزيت الفتيس اؤكدلك انة استحالة يكون فتح كرتيرة الفتيس وتغيير الجوان اجراء متبع للصيانة الدورية ولكن لصيانة الطارئة كان سهل عليهم جدا جدا انهم يعملو طبة لتغيير الزيت لو ان فعلا زيت الفتيس بيتغير كل × كيلو متر هناك فرق كبير بين وظيفة زيت المحرك ومسار زيت المحرك بينة وبين زيت التروس زيت المحرك بيتعرض لدرجات حرارة هائلة وضغوط كبيرة ومسارات تصل فى بعض الاحيان الى 2 مم اما زيت التروس زو الزوجة العالية لا يتعرض الى درجات حرارة عالية ولا لضغوط تصميم التروس نفسة بيكون فى خلوص او بوش بين السنة والسنة المعشقة ودة لديناميكية الحركة صندوق التروس لا يوجد بة فلتر لتنقية الزيت الا فى ناقلات الحركة الهيدروليكية اعتمدو على طبة مغناطيسية لتجميع برادة الحديد ودة فى كل ناقلات السرعة اليدوية لون الزيت اللى تم تغييرة ذو لون اسود دة شىء طبيعى انما فى المحركات مش طبيعى رائحة زيت الفتيس مختلفة ودة لانة فلفلينا وله رائحة معينة اما بيتعرض للحرارة العادية اخيرا اسالك سؤال ما الفرق بين صندوق التروس فى السيارات وصندوق التروس فى ماكينات الخراطة حد عمرة سمع ان فى مخرطة غيرنلها الزيت على × ساعة تشغيل مع العلم ان صندوق التروس للمخارط والمكاشط اضعاف اضعاف ثمن الفتيس للسيارة تقبل مرورى

كلامك معقول طبعاً بس فيه اجهزة لسحب الزيت باستخدام طبه التزويد يمكن ده السبب فى انهم معملوش طبه للتغير الكامل

لكن انا مقتنع بكلام حضرتك بمعنى ان لو متغيرش الزيت الفتيس مش هيبوظ مره واحدة بس مقتنع برضو ان تغيير الزيت بشكل دورى يحافظ اكتر على سلامته وسلاسة ادائه
وده عن تجربه فى عربيتى زيت الفابريكا نزل مليان رايش واللى بعده نزل مليان رايش لحد ما الفتيس نعم وكنت قبل كده بقابل مشاكل فى بعض النقلات اختفت تماماً بعد الاستمرارا على تغيير الزيت