25-10-2012, 11:46 PM
|
 |
من انا؟: كان نفسي اطلع طيار .. طلعت مدير نظم معلومات .. :)
التخصص العملى: مدير قسم نظم معلومات
هواياتي: الطيران و علومه - السيارات وكل ما يخصها
|
|
تاريخ التسجيل: Mar 2012
الموقع: شرم الشيخ
المشاركات: 128
|
|
الانطباع الاول عن امجراند EC7
خططت لشراء سيارة منذ خمسة اشهر .. ودرست كافة السيارات في الفئة السعرية من 70,000 الى 80,000 استقريت على ثلاثة سيارات ثبتت كفائتها محليا او عالميا .. BYD F3 - Greatwall C30 - proton Saga AT- Jac J5
لتفاصيل كثيرة و احتياجات معينة استقريت على Greatwall C30 صادفني بعدها اعلان امجراند - كلمت غبور .. لقيت الكلام حلو .. السعر والامكانيات و المعاملة ... فصصتها على النت ... لقيت الكلام جميل .. رحت تاني يوم جيلي غبور المهندسين .. معرض نظيف و منظم يعبر عن ناس بتفهم .. قابلتني استاذة مروة من المبيعات .. منتهى الاحتراف و المهنية و التعامل الجيد .. اتفرجت على العربية .. و ركبتها .. وكان الموديل المعروض نموذج للتصنيع المحلي - الزجاج كله د- جريش .. العربية ممتازة في الشكل و الفينيش الخارجي .. واسعة من الداخل .. تكفي خمسة افراد بالغين .. الكماليات كااااااااااااااااملة .. صاجها محمل و تقيل .. فتح وقفل الابواب مش هبالغ لو قلت انها زي بعض الاماني و ده بسبب الدعامة الثقيلة على شكل حرف Y في الابواب .. الكبود ثقيل .. حوض الموتور واسع لامتصاص طاقة الاصتدام عند الحوادث ( يارب سلم الجميع )
خامتها الداخلية جيدة .. وافضل من الاسبرانزا و BYD بكثير.. واقل بقليل من J5 - و ال MG .. اقدر اقول زي خامة الميتسوبيشي لانسر 2006 .. بس التابلوه مع الكونسول بالاضاءة الزرقاء جميل .. عجبتني شاشة عرض العربية لتحذير فتح الابواب بين مؤشري الحرارة و الوقود ... كرسيها مريح و متين .. طارتها بتفكرني بالعربيات الامريكاني .. مش عارف ليه
المهم اتفرجت و انبسطت ...وقررت اشتري ...
سألت على نظام التقسيط مع شركة درايف - غبور برضو .. كان معايا الورق المطلوب .. راجعة استاذ مينا .. كله تمام ومليت الفورم و دفعت مقدم الحجز من 500 ل 1000 جنيه .. و حددت اللون .. و اتفرجت تاني قبل ما امشي .. الناس بصراحة ذوق قوي ..
تاني يوم جالي تليفون من المستعلم .. جالي .. راجل محترم خلص اسئلته معايا و مشي .. بعدها بساعة جالي تليفون تاني من مندوب شركة درايف بيراجع معايا كافة البيانات.. ووضحلي ان كدة موقفي الاتماني سليم .. بعدها بساعتين كلمني استاذ مينا من الفرع بيأكدلي ان الأجراءات خلصت و قالي ان استاذة مروة هتكلمني عشان نكمل اجراءات التسليم .. تاني يوم كلمتني استاذة مروة و اكدت معايا اللون وان التسليم بأسبقية الحجز ابتدائا من 15-11-2012 .. ان شاء الله ..
بصراحة لو جيلي غبور قدم نفس مستوى الخدمة ده بعد البيع هبقى مستريح نفسيا والعربية هتنتشر و تنجح ..
اتمنى ان اكون وفقت في اختياري .. وتابعو التقارير اول بأول...
احمد شهاب
|