رد: مصر تلغي مولد أبو حصيرة اليهودي
انا رايى انو يتساب بس المعاملة تكون بالمثل
يعنى ييجوا يصلوا صلواتهم جنب الضريح بتاعهم فقط بدون مسخرة
و هما يفتحوا للمصريين زيارة المسجد الاقصى والمقدسات الاسلامية و المسيحية هناك و لو حتى فى فترات الاعياد الدينية فقط و اهو يبقى شفناه
و دخلناه و صلينا فيه مرة قبل ما نموت
و زى ما احنا بنامنهم عندنا هما يلتزمون بحسن معاملة و تامين المصريين
و على فكرة فى برامج رحلات من شرم الشيخ للقدس و العودة لشرم بالاوتوبيسات بس للاجانب فقط
مش فاهم ليه يعنى
معاهدة السلام مخلية الاسرائيليين مبرطعين عندنا و بعربياتهم و احنا مش عارفين
نروح حتى نتفرج على القدس و هنفضل نشوفها فى الاخبار و التلفزيون بس
انا رايى نوظف الموقف صح لصالحنا لان السياسة هى انك تطلع من الموقف كسبان و هما كدا كدا بيخشوا سيناء و من غير تاشيرة و لا اقامة محددة يبقى مخسرناش حاجة و كسبنا حاجات
و اذا كان عندهم مسمار جحا فاحنا هيكون عندنا جحا نفسه و
و اذا كان الوف من عندهم بييجوا فاحنا عندنا ملايين و اهى خطوة و الحدق يفهم
بس انا متاكد انهم هيرفضوا اتفاق زى ده لو اتعرض عليهم و هيضحوا بالمولد بتاعهم للابد لانهم حدقين برضو و السياسة زى الشطرنج بالضبط
__________________
التعديل الأخير تم بواسطة bunnybunny77 ; 13-01-2012 الساعة 03:44 PM
|