[فادى]

المشاركة الأصلية كتبت بواسطة Ahmed_lol2007 ياجماعة أنا جايب ليكو موضوع أتمنى يفيدكو السلام عليكم معنا الان فلم نادر للعالم استانلى ماير يشرح فيه كيف حول سيارته لتعمل بالماء بدل البنزين سيارته كانت فولكس فاجن الدينامولها خرجه الكهربي 50 أمبير و انه استخدم فقط 15 أمبير لتصنيع وقود الماء وذالك عن طريقين الاول خلية التحليل للماء للحصول على نسبة من غاز الهيدروجين والاكسجين تستخدم للمساعدة على حرق الماء المتفكك المتأين حيث عند احتراق تلك النسبة القليلةمن الغاز تصل الحرارة داخل سلندر المحرك الى اعلى من 2000 درجة و هنا يتم رش الماء من رشاش التأيين وهذا الماء يشتعل على الفور ليعطى القوة الكافية لتسيير السيارة وبالتالى بمحرك السيارة عدد 4 رشاشات مثل رشارات المحركات الحديثة الانجكشن اللتى تستخدم انظمة الحقن للوقود وليس الكربراتير و الان ما هو سر هذا الرشاش هو من جزئين الاول لضخ الماء بقوة عالية الى المحرك والثانى هو ملفين مغناطيسيين يعملان على طرد الالكترونات من جزء الماء فتتبعثر ذراته من الهدروجين والاكسجين ويصبحان جاهزان للاشتعال كوقود قوى ونظيف ومحافظ على البيئة الرابط للفلم الذى يشرح فيه ذالك http://www.youtube.com/watch?v=rUMMvZSX1a0 ياجماعة للأمانة الموضوع منقول وأرجو الاستفادة للجميع

ازاى يا بشمهندس بالذمة تصدق الكلام ده,
الطاقة لا تفنى و لا تستحدث,
اذن لو انت فصلت الهيدروجين عن الاوكسوجين بطاقة ما,
يبقى لازم الهيدروجين هيدى طاقة أقل منها لما يتحد مع الأوكسوجين تانى مع حساب الفواقد فى العملية,
أو هيدى قدها فى الحالة المثالية و هذا مستحيل كما تعلم,
لكن من رابع رابع المستحيلات أنو يدى طاقة أعلى منها,
طب سؤال,
الدينامو ده هيشحن منييييين؟!
من المحرك الهيدروجينى؟؟
طب العربية هتمشى ازاى؟
للمرة المليون, الطاقة لا تفنى و لا تستحدث و لكن تتحول من صورة الى اخرى,
او بالتالى فان طاقة السيارة = شحن الدينامو - فواقد العملية.
معنى كده اننا محتاجين لمصدر أخر عشان نلفف الدينامو,
المصدر ده ايه؟ بنزين؟ و لا هنلفف الدينامو ب"منافلة"؟؟!
المصيبة العلمية التالتة,
ازاى 15 امبير فقط هيولدوا فى النهاية طاقة ترفع الحرارة 2000 درجة مئوية, منين الطاقة دى كلها هتيجى؟
ستانلى ماير ده أو اى كان رجل نصاب و حلنجى و مش اى واحد يكتب معادلتين ملهومش معنى على اليو تيوب يبقى نصدقه و نمشى وراه.