[طارق فاروق]

والله حضرتك أنا رحت شفتها فى معرض جيلى فى شارع النزهه بمصر الجديده يوم 21 يناير و أنبهرت بشكلها الخارجى و التابلوه بس الصالون معجبنيش و قالوا لى إن سعرها 74000 و ضمانها 60000 كم (و أعرف دلوقتى إن فى عرض بـ 69900 و الضمان بقى 100000 ) و أنا كنت قبلها فى معرض شيرى فى الكيلو 21 طريق الإسماعيليه و شفت العربيه الليفان 620 و عرفت إنها شاسيه و عفشة كورولا و تفرق عن الجاك إن موتورها 1600 و فرشها جلد و 2 أيرباج و بها و حدات رفع للزجاج و حساس إناره و ضمانها 100000 كم و تمنها علشان المعرض 69900 و كان 72000 قبل المعرض و طقم الصيانه من الصين . فبالمقارنه لقيت إن السعر أفضل و الموتور أقوى و أيرباج زياده و الفرش أحلى و الضمان أطول فقمت بحجز الليفان و فى إنتظار الأستلام . و لكن الآن مع وجود عرض على السعر و مد فترة الضمان للجاك أصبح تميز الليفان فى الموتور ال1600 و الفرش الجلد و أيرباج للراكب ووحدات الرفع و حساس النور و الثقه فى الصيانه و أصبح التميز للجاك فى الشكل الرياضى و التكييف الديجيتال و صالون أوسع قليلا وعموما هذه المفاضلات ترجع إلى الذوق الشخصى و إذا عزمت فتوكل على الله و الله الموفق .