ورجعتلكم تانى وكنا بنقول ايييية ؟؟؟
مراحل تجديد وتطوير البيجو وطبعا انا قولت انى صرفت عليها مبلغ وقدرة 45000
واكيد طبعا محدش مستوعب انى اصرف مبلغ زى دة ع العربية واكيد هتقولو عليا اهبل ............ عادى عادى سمعتها كتير هههههههه .
بس انا فعلا بحب العربية دى جدا وبعشقها بجنون وكنت متأقلم معاها بدرجة غريبة كنت اول ما اعد وابدأ اسوق احس ان انا والعربية بقينا جزء واحد وانا فاهمها كويس وهى فهمانى .. لدرجة والدتى كانت دايما تقولى انا خايفة تسيب مراتك وتنزل تعد مع العربية ) هههههههههه مجنون انا بقى علشان اسيب مراتى انا اتجوز بس وانا اطفشها واجيب العربية مكانها ..
طبعا العربية كانت فى حالة سيئة للغاية من كلة ... يعنى ولا فرش ولا عفشة ولا مكنة ولا صاج ولا طقم صوت ولا اى حاجة خالص .
وقررت اشد العربية واحدة واحدة ..
انا والدى علمنى ان اهم حاجة فى العربية العفشة والمكنة .. علشان كدة قررت ابداء بيهم . وبدأت بالعفشة لانى كنت بتعزب من صوت الشخلعة والهبد والرذع .
بس قبل دة حبيت اروش العربية شوية علشان ممشيش بيها ضايعة اوى كدة .. لمعتها لان البوهية بتاعتها كانت متصنفرة اوى مش عارف لية وجبتلها شوية نواكل عبيطة ع شوية حجات كدة شغل تكاتك بعيد عنكم ... مكنتش لسة فاهم قد كدة .
انا نزلت كل حاجة متخصصة فى العربية دى وتصميما من ا ل ى . وقررت انى اصنع العربية من اول وجديد بنفسى .
سافرت بورسعيد وجبت عفشة كاملة حتى لو كان فى جزء عندى سليم انا غيرت كلة وجبت عفشة طيارة علشان العربية تكون ع اعلى مستوى .
اسكترا ومقصات وجلب وبيض وتيش وكردانوكرونة وكبالن .. وطنابير جديدة لان الطنابير الى فيها كانت مخروطة وكانت العفشة محلولة من قطمة بس اية زيرو .
ملحوظة .. الاسكترا لوحدها غيرتها مرتين وبتبوظ بسرعة ... جبت واحدة جديدة ب 3500 فضلت لحد ما العربية اتباعت .
ودى شوية صور من ايام شغل العفشة .
.
بعد يومين خلصت العفشة والحمد الله
بعد ما خلصت شغل العفشة المفروض ندخل ع المكنة .. بس بصراحة اتلكعت فى الموضوع دة لانى عرفت انى مكنة انجكشن 3600 جاية استيراد من برة كاملة بتكيفها بكل حاجة وكان سعرها 10000 وقولت هستنى احسن لما تيجى واشوفها وبعدين اقرر اعمل اية .
قولت اشتغل فى الصاج شوية ... اساسيات العربية كانت كويسة بس جبتلها 4 ابواب وتعبت علشان اقدر اجيبهم نفس اللون واعتاب وشنب وطاسات استيرادوشغل بوهية خفيف كدة ع القد لان التقيل لسة جاى .
ودى شوية صور بعد الشغل الخارجى .
توك توك محدش يقلس ... والى هيقلس هو حر هيتكبس فى الاخر
كدة كفاية مصاريف بقى قولت اريح شوية .... هسيبكم شوية وارجعلكم تانى
يتبع ....