[Hazemomar]

بص يا فندم ...

الاكسل 94 : راحه غير عاديه لقطع الغيار و الصيانه و الشرا و البيع ... فيها بور و تكييف و بتجيب ال 100 و بتجري كمان ... الثبات بقى .. كويس لحد ال 120 .. بس ممكن مع جنط تبقى احسن


الاكسنت 98 : نفس راحه الاكسل مع موديل و شكل احدث و فرصه العربيه النضيفه اكتر ... و بور و تكييف - بس ال 1500 مش ال 1300 - و برضه نفس الكلام في الجري و الثبات



الانترا 97 : المعلومات عنها قليله بسبب ندرة العربيه ... بس فيها كل اللي انت عايزه الا سهولة الصيانة و قطع الغيار - هي اكيد ليها ناسها اللي بتشتغل فيها - بس هتدور حبتين لحد متلاقي حد كويس



السويفت : نفس كلام الاكسيل بس ضعيفه عنها في الصاج و مش محبذه اوي لان اغلبها بيبقى حالته مش كويسه



البيجو 205 : عربيه هاتشباك صغيرة و نادرة اوي ... بس هرجع و اقوللك اكيد ليها ناش بتبيع حاجتها .. و مش عارف فيها بور و تكييف و لا لأ .. عموما هي خفيفه الوزن و مش محتاجه بور



البرايد السيدن 2000 : عيبها بس الشكل القديم و الاتوماتيك - عموما الاتوماتيك القديم بلاش منه احسن - بس عربيه بتجري و ثبات معقول و قطع غيار حلوه



الانسر 94 - البطه - : عربيه ياباني و لكن قليله و بس كاداء كويسه جدا و فيها بور و تكييف و اتوماتيك كمان ... بس مش عارف الفئه السعريه دي هتجبها ولا لأ ... البديل ليها الانسر 91 - عيون صفيه -





و من الحاجات اللي كتبها فوق ... التمبرا .. جميله جدا .. نفس موتور الشاهين الجديد و متانه و اداء و وسعه ... من الخيارات المحترمه برضو



و الاختيار الاول و الخير لييك ... انت اللي هتركب ... و لازم تكون حاببها ... و اهم من كل كلامي الحاله عشان متكرهش نفسك ... و لكني ارشحلك من كل ده الاكسنت لو لقيت منها 1500 نضيفه في الرينج ده .. لو ملقتش هات الاكسيل - شرط الحاله تاني -

تقبل سلامي ...