رد: سؤال عن تامين الكاوتش الاستبن للتيجو
السلام عليكم
فيه طريقتين لتأمين الكاوتش سواء الموجود بالسياره أو الإستبن
الأولى
طقم صاموله مخصوص عباره عن أربعه صاموله + مفتاح مخصوص ليهم فقط ولا يتم التكرار لأى طقم
المميزات إستحاله فكهم إلا بالمفتاح المخصص
العيوب
-عند فقد المفتاح يتم كسر الصواميل بواسطه الخراط وللأسف ممكن يحصل الموقف ده على الطريق والفرده نايمه
- الطقم عباره عن أربع صواميل فقط والتيجو محتاجه خمسه
الطريقه التانيه
يباع فى التوققيه صواميل سباعيه الشكل وليست سداسيه الشكل كالعاديه وذات مقاس غير طبيعى الواحده حوالى 4 جنيه وإشترى العدد اللى انت عاوزه ويباع معها لقمه ب 20 جنيه متطابقه مع الصاموله السباعيه وممكن تشترى لقمتين أو أكثر
المميزات
تركيب أى عدد من الصواميل السباعيه سواء بالسياره أو بالإستبن
توافر أكثر من لقمه لإستخدامها عند فقد إحداهما
العيوب
ممكن الحرامى تكبر فى دماغه ويروح يشترى لقمه سباعيه
وفى النهايه
الحارس ربنا وكل اللى بنعمله من وسائل التأمين تعيق ولا تمنع
وشكرا
|