[nktis]

اتكلمنا قبل كده في موضوع سابق عن الفرق بين الكريم والمرهم
سواء الفرق العلمي او العملي.

النهاردة هنتكلم عن الفرق بين الكريم والجيل

زي ما قلنا ان كمية الدهون في الكريم اقل من المراهم

لذا هو الانسب للبشرة الدهنية اذا ما قارناه بالمراهم

ممكن النهاردة نقول :

ان الجيل هو الأكثر تناسبا مع البشرة الدهنية اذا ما قارناه بالكريم..!!

وذلك لأن الهيدروكربون في الجيل اقل ما يمكن ونسبة الماء فيه عالية نسبيا

كما أن امتصاص الجيل اسرع من الكريم نسبيا

وبالتالي

هنلاحظ في الصيدلية ان فيه مستحضارات كتير من الخاصة بحبوب الشباب يوجد منها ما هو في صورة كريم او جيل

مثل :Acne free -Retin A
بتاع امون والرتين مستورد..
في الحالة دي نفهم ان الكريم هيكون للبشرة العادية والجيل للبشرة الدهنية
اضافة أخرى :

هنلاحظ ان غالب المسكنات الموضعية بتكون في صورة جيل زي الفولتارين والأولفن ..الخ

وده علشان يضمنلنا امتصاص سريع وبالتالي مفعول اسرع

بينما المسكنات الموضعية لو طبيعية بتكون في صورة كريم مساج لأن خلاصة الاعشاب جواها

1-هتشوه شكل الجيل

2- غالبيتها لا يذوب في الماء وبالتالي الجيل لن يكون مناسب كحامل لها

3- غالبها مفعوله بيكون سطحي عن طريق تسخين المكان لزيادة الدورة الدموية فيه دون حاجة اساسية للامتصاص ...

علشان كده بتبقى كريم مساج
: 12EA6C~133: