[alymonir]

السلام عليكم و رحمة الله

كلمة السر : غبور:red_face 10:

كان هذا الموجز و إليكم الأنباء بالتفصيل :
النهاردة جايب لكم تقييم مختصر تجربة السيارة على مدى 6 شهور و حوال 12000 كم و ححاول أخليه في صورة نقاط عن المميزات و العيوب ( حتى الان ) خصوصا بعد زوال زهوة السيارة الجديدة و التفكير بمنطقيه و حيادية ( إلى حد ما لأنها لسة عربيتي )

أولا : المميزات :
1- ثبات رهيب و عزل جديد جدا
2- جودة خامات و تقفيل عالية مع شكل صالون شيك و عصري
3- متعة في القيادة و راحة في السفر
4- تكييف قوي و لا يوجد تأثير ملحوظ على السحب
5- سعرها مناسب بالنسبة للإمكانيات و الكماليات
6- عموما السيارة أنا مقتنع بيها جدا .....
عموما حتى الان جيد جدا

ثانيا العيوب :
1- لو اعتبرنا التوكيل عيب من عيوب العربية فدة حايكون عيبها الأول : غبور
و صدقوني لو كنت أعرف إن التوكيل حايبقى كدة كنت فكرت تاني و تالت قبل ما أشتري , مش حاطول عليكم قصتي مع التوكيل في موضوع منفصل ( تقرير صيانة ال 10000 كم )
2- إستهلاك بنزين عالي جدا ( من وجهة نظري ) بالنسب لسيارة ياباني
داخل المدينة م عالتكييف و التحميل أحيانا 12,5 لتر / 100 كم
خارج المدينة 10 لتر / 100 كم
3- صغر الباب الخلفي مع ضيق الكنبة الخلفية ( مش قوي )
4- الجير بوكس كسول و قديم ( 4 سرعات ) مع موتور ليس بالقوة الكافية 105 حصان ( و دة عيب نسبي يعني اللي مش مهم معاه الشد و الجري مش حاتفرق معاه كتير )

يتبع ....:018A1D~1 46: