الموضوع
:
موضوع تافه وبسيط .... بس فارق معايا
عرض مشاركة واحدة
#
1
27-02-2012, 01:55 PM
Payoo
من انا؟: أنسان سيء الطباع يتطلع إلى الحسن
التخصص العملى: Administrator Network
هواياتي: Sports
تاريخ التسجيل: May 2008
الموقع: Cairo
المشاركات: 696
موضوع تافه وبسيط .... بس فارق معايا
حد يعرف مين محمد مكاوي ؟
قبل ما حد يقوللي إن الموضوع تافه وبسيط ومالوش لازمه انا بقولكم إنه ممكن يكون كده بالنسبة للكثير من الناس
لكن بالنسبة ليا غريب و عجيب ويستحق التوقف:08da300846c84943ae 1
مترو الأنفاق الخط الثالث (حالياً العباسية - العتبة) كل محطة من محطاتة النفقية العباسية - عبده باشا - الجيش - باب الشعرية - العتبة زي ما انتم عارفين الحوائط معمولة بالسيراميك
وبغض النظر عن زوق السيرامك وعن الفن السيريالزم العجيب المعمول بيه السيراميك في المحطات الخمس دول إلا إن هناك حاجه غريبة جدا كل محطة من المحطات الخمس دول مكتوب "محمد مكاوي" على كل جدار من جدران رصيف المحطة
مكتوبة بالشكل ده
محمد
مكاوي
"محمد" مكتوبه في صف أما "مكاوي" مكتوبه في الصف إللي تحتياها على طول
وماتقدرش تعرف إذا كان "محمد" ده شخص و "مكاوي" ده شخص اخر !!!
وللا "محمد مكاوي" ده أسم لشخص واحد !!!!!!!
وحتى لو عرفت إذا كان شخصين وللا شخص واحد هاتبقى عاوز تعرف هو مين
هل "محمد مكاوي" هو عامل السيراميك ؟
هل "محمد مكاوي" هو مقاول السيراميك ؟
هل "محمد مكاوي" هو مورد السيراميك ؟
هل ماركة السيراميك إسمها "محمد مكاوي" ؟
هل "محمد مكاوي" ده أسم شهيد من شهداء المترو ؟
هل "محمد مكاوي" مكتوبه على كل حيطه في المحطة عشان تروشنا و تخلينا نسأل مين "محمد مكاوي"
على فكره وانا باكتب الموضوع دلوقتي الحمقه اخدتني واتصلت بخدمة عملاء المترو 16048 ورد عليا الأستاذ "أسامه" إللي تقريبا كده مافيش غيره في مركز خدمة عملاء المترو لأني كل ما أتصل عشان أبلغ بشكوى او أقول ملحوظة ألاقيه هو إللي بيرد عليا وبعد ما سألته مين "محمد مكاوي" هههههههههههه قاللي هاسأل وأقولك
Payoo
مشاهدة ملفه الشخصي
إرسال رسالة خاصة إلى Payoo
البحث عن المشاركات التي كتبها Payoo
موضوع تافه وبسيط .... بس فارق معايا
