المشاركة الأصلية كتبت بواسطة dontics
السلام عليكم. اولا شكرا على هذا المجهود الرائع
ثانيا احب اوضح وضع العربيات الكروس اوفر اللى بعض الناش مش فاهمه هدفها
1-عربيه عاليه تصلح للطرق والمطبات المصريه
2-سعه لتريه معقوله وده لتوفير الوقود والبعد عن الضريبه المبالغ فيها للعربيات
4x4
3-بالنسبه لوزن العربيه فهو مش تقيل خالص على الموتور 1350
4-تتميز بنعومه غير موجوده فى 4x4
5-اعتقد ان سعرها مناسب وخصوصا لو اضافو الاوتوماتك عوضا عن البانورام
وفى الاخر دى وجه نظر
|
لو حضرتك بتتكلم على السوق المصرية بالتحديد ففعلا كلام حضرتك مظبوط جدا.
بس لازم اللي هايشتري من الفئة دي يكون حاطط في باله انها مش هاتعمله شغل ال 4x4
قصدي يعني انها يدوب عالية بما فيه الكفاية عشان الطرق المصرية، بس مش هاتنفعو لا في الصحرا ولا في تحميل كتير عليها (أغراض أو أشخاص)، هيا ببساطة عربية عادية جدا بس مرفوعة شوية عن الأرض
وده طبعا مش تقليل منها ولا حاجة، في ناس كتير تحب حاجة بالموصفات دي
بشكل عام الفئة دي اكتر ما يميزها السعر واستهلاك البنزين، بس بالنسبة للنعومة انا رأي انها بتفرق من ماركة لماركة ومن موديل للتاني، التعميم في الجزئية دي هايظلم عربيات كتير
نقطة اخيرة بس على الطرق المصرية،
عربيتي على العلو ده كلو ولبست برضو في مطب، قصدي جبل، كان مزروع في الحارة الشمال على الطريق الزراعي (القاهرة - المحلة الكبرى)
سعد زغلول قلك مافييييييش فايدة
والإختلاف في الرأي لا يفسد للود قضية
