[أحمد فاروق سيد]

المشاركة الأصلية كتبت بواسطة أحمد فاروق سيد وعلى فكرة أنا جاتلى فكرتين حلوين قوى إن شاء الله تعجبكم ...... فكرة لتعطير الصالون بدون رش وبأستخدام الأسانس نفسه وفكرة إن شاء الله فيها ثواب ،،،، وعلى الله القصد أنتظرونى إن كان فى العمر بقيه

الفكرة الأولى

فواحه للعربيه



تشتروا الكورة ده وهى كده كده فيها معطر
ولما تروح ريحتها ... نحقنها بأسانس خام
حتبقى ريحتها 100 %
ثمن الكورة 5 ج
ومتدفعوش أكتر من كده



الفكرة الثانية
وده خالصة لله تعالى

وبمناسبة شهر رمضان أعاده الله علينا بالخير واليمن والبركات



نشترى القارورة ده من أى حد بتاع مبيدات حشرية وكيماويات
ونلاقيها منتشرة جداً جداً جداً فى شارع تحت الربع
جنب مديرية أمن القاهرة
حجمها : 2 لتر
ثمنها : قطاعى 15 ج ،،، جملة 10 ج " مش أقل من 6 "
نملاها مياه ونزودها بـ 100 جرام مسك ولو 150 جرام يكون أحسن
ونقفلها وبعد كده نضغطها بالهواء بواسطة الدراع العلوى
كما هو واضح بالصورة وبكده حتضغط بالهواء من خلال
الزرار المشار إليه بالصورة
ونروح قبل الصلاة بربع ساعة المسجد
ونرش الموكيت حيخلى المسجد رائحة حلو جداً
خاصة أثناء السجود
يا ريت يا جماعة كلنا نعمل كده والأجر عند الله
وده من باب أدخال السرور على المسلمين

روي عن رسول الله صلى الله عليه وسلم أنه قال
إن أحب الأعمال إلى الله تعالى بعد الفرائض
إدخال السرور على المسلم