[mesho70]

المشاركة الأصلية كتبت بواسطة ahmed_eng2001 ربنا يبارك فيكم braveheart and misho انا بس حبيت اشارككم فى معلومات اول مرة اعرفها زى :- الكاوتش كان مكتوب عليه :- 185/65 R14 86 V xl 49 09 R14 هو قطر الجنط و ده كقاس اغلب السيارات , فيه R13 و ده بيبقى للعربات الصغيرة شوية , الجنوط السبور بتبقى فى الغالب R15 , و الـ R15 سعر تانى خالص و اغلى حبتين 185 ده عرض الكاوتش الملامس للأرض , كل ما الرقم ده زاد زاد عرض الكاوتش و زاد احتكاكه مع الارض , ده بيخلى العربية اثبت على الارض بس بيزود حمل على الموتور 65 دى نسبة ارتفاع الكاوتش من عرضه , يعنى لو عرض الكاوتش 185 مم يبقى ارتفاع الكاوتش 65/100 * 185 , و دة بيخلى العربية اعلى او اوطى على الارض 86 دى نسبة الوزن و الحمل الى ممكن الكاوتش يستحمله , انا مش فاكر بالظبط بس كل رقم يقابلة وزن يعبر عنه V ده يعبر عن السرعة الى ممكن الكاوتش يمشى بيه , اعتقد الـ V بتعدى 240 كم/ساعة , S 200 كم/ساعة , H أقل و هكذا , ال/ W و Y خاصين بالعربيات السبور و عربيات السباق xl 49 09 :- الرقم 49 ده الاسبوع الى اتصنع فيه الكاوتش , 09 دى سنة الصنع 2009 و يقال ان الكاوتش صالح لمدة 6 سنوات

شكرا ً اخى احمد على المعلومات وانا كنت ناوى اسأل فعلا ً عنها
وياريت لو حضرتك او احد الزملاء يقول المقصود تحديدا ً بـ H88
يعنى السرعة القصوى مع العلم ان الكاوتش بيرجستون يابانى ومكتوب علية
195 / 60 / H88 / 15R
مع الشكر