[sam ram]

المشاركة الأصلية كتبت بواسطة mohamed ibiza احمد باشا حمد الله علي سلامتك من ال 190 بس بصراحة انا مش مقتنع انا جربت الفيرنا بنفسي و ثباتها بيضعف بعد ال 100 جدااا و ناس كتير معاهم فيرنا قالو كده اولهم احمد كار مثلا و هو معاه فيرنا و قال كده في تقييمه ليها و مثلا عندك واحد صاحبي كان ماشي 80 و المفروض كان فيه ملف هياخده و كان ناسي و خده فجأه علي ال 80 دي العربية رفعت من الجنب :D !! و اسباب ضعف ثباتها حاجات كتير اولها الوزن !! موتور 1600 106 حصان 2 كامة اللي بينزل في السيراتو القديمة و الكوبيه القديمة و الانترا و كلها عربيات وزنها معقول و واطيه علي الارض انما الفيرنا وزنها 1110 كيلو و مش واطيه و جنط 13 و كاوتش تعبان و عفشه عاديه مش مساعدين غاز زي الانترا مثلا !! كل العوامل دي لازم تأثر فيها و لو عايز تخليها ثابته بجد هات طقم جنوط 15 و كاوتش 195/50 بريدجستون botenza او هات زي بتاعي kumho ecsta حلو جدا عن تجربه و ركب مساعدين كوني بالسوست و ساعتها هتقدر تجري 190 و تغرز بأمان الي حد معقول جدا لان العربية هتوطي كمان

100 100 يا ابيزا
بس الفيرنا وزنها اقل من 1000 كجم
تقريبا 960 كجم

والاوفر من ده كله تجيب عشر شكاير رمل وتوزعهم في العربيه 2 على الكبوت - 4 في الشنطه و 4 على الكراسي و الكنبه وتستمتع بثبات البطه ...
بس اوعى الرمل يندلق منك ... التوازن يبوظ على طوول
أو هات سبويلر من عربيه فورميلا وان .. حيزود الداون فورس و يكلبشها في الارض بس المهم المساعدين والعفشه و الكاوتش يستحملوه ... ومتلاقيش العربيه بقت شبه زلاجه الثلوج

لا بجد العربيه خفيفه جدا على قوه الموتور ... و السرعه مع الوزن بيبقى وزنها النسبي هوا ....
انا بهذر مش بتريق ... وعموما معايا ماتريكس ... يعني نفس المكنه ..بس على وزن طن وربع
ومقدرش اقولك على ثباتها على 190 لأن اخرها 170 طوالي بس