[chato_eg]

يا شباب...الرينو إعتماديتها مش بالصورة إللى إنتم واخدينها...كون إنها بتحب يتعمل لها صياناتها على أيد خبيرة و فى مواعيدها المنتظمة و إلا فإن صاحبها مش هيكون مبسوط برد فعلها ده شىء لا يعيب العربية فى نظرى....
كل ما فى الأمر إنها عايزة واحد مواظب بس على الصيانة و فى مواعيدها...غير كده هتمشى زى الساعة ...
و الرسائل التحذيرية دى بتكون حاجة لتلافى حدوث مشكلة...
يعنى رسالة check gear box إللى أتخذت كمثال لإنها مؤامرة من التوكيل للنصب على العملاء دى مثلا بتطلع لتفادى السخونة الزائدة فى صندوق التروس...فالأحسن الواحد يستنى شوية لما تبرد و بعدين يكمل مشواره...و كده أحن ما تعمل زى ما قرأت مرة إن البيجو ال 307 مش بتطلع الرسالة ..إنما بتقف بالعافية كده لحد ما تبرد...و الحمد لله إن فى توكيل كويس لما تتصل بيهم و تقولهم على إللى حصل بيردوا عليك فى ساعتها و يطمئنوك ...

حكاية أسعار قطع الغيار.....ببساطة...نشوف الإمبريزا و السيفك و الكورولا و لا الفوكس و الأسترا و ال A5 و لو حسيتوا إن الميجان أغلى بشكل مستفز نبقى نقول إنها هلامية و نفس الكلام على أسعار المصنعية فى التوكيل...

كل الحكاية بس إن مش ناس كتير بتشتغل فيها بره التوكيل...فأسعار التوكيل أصبحت معلومة بالنسبة للناس كلها و بالتالى طلعت إشاعة الغلاء و المبالغة فى الأسعار...لكن لو إنت مالك للميجان و مستغلى أسعار التوكيل..ففى خيارات أخرى زى الحرفيين و الاستيراد و التايوانى....برضه هى مش مشهورة علشان العربية قليلة مقارنة بحاجات تانية...
ترس ال Dephaser مش بيتغير كل 60 ألف كيلو و لا حاجة.....فى حالة إذا ما احتاج يتغير فى صيانة زى ال 60 ألف بتتغير معاه سير الكاتينة بالمرة و الموضوع ب 1500 فى التوكيل و الكلام ده بيتم مجانى للعملاء المواظبين على الصيانة داخل EIM لو فى أعراض ظهرت....
و فى ناس ماشية بعربياتها لحد ال 80 و ال 100 ألف و لا ظهرت أى من الأعراض بتاعت ال Dephaser

سعر إعادة البيع أمر لا يختلف عليه 2 .......لكن لو كل عربية سعر إعادة بيعها مش كويسة يبقى معظم الصانعين من أمثال Audi , Alfa Romeo , Citroen, Jaguar, Volvo خايبانين زى رينو....

إذا فهى ليست قاعدة و لا معيار للحكم أبدا على مستوى الصانع أو السيارة مسألة سعر إعادة البيع...

و لازم نعرف إن زبون المستعمل له متطلبات غير زبون الزيرو و له أولويات....
هى الصدمة بتحصل من إن العربية مستعملة مثلا ب 80 ألف....فيتصور الشارى إنه أخد عربية مستواها ب 80 ألف...زى أى عربية زيرو ب 80 ألف...لكن الواقع إنه شارى عربية كانت ب 160 ألف زيرو...فلازم يتحط ده فى الاعتبار..و للأسف الشارى مش بيعمل كده و بعدين يجي يستغلى التوكيل و أسعار القطع....شبه الناس إللى بتجيب الباسات ب 250 و لا 270 ألف جنيه و يتصوروا إن ده مستواها غير مدركين إنها وصلت للسعر ده علشان الموتور ال 1600 و الجمارك ال 40 % ...لكن هى فى الحقيقة لازم تكون فى شريحة تانية خالص....و بيبقوا زعلانين إن الكاوتش ال Sport إللى بيركب على الجنوط ال 17 مش بيستحمل شوارع مصر...و كمان عايزين يحطوا لها بنزين 92 و لما تبوظ العربية يقولوا أخدنا فيها مقلب ....

الشىء لزوم الشىء و مش معنى إن فى جيبى ثمن الحاجة يبقى أروح أجيبها من غير ما أكون عارف صيانتها و قطع غيارها عاملة إيه بالمقارتو مع مثيلاتها فى السوق

عايز كمان أوضح حاجة...هى ليه رينو مش منتشرة فى الدنيا كلها زى تويوتا مثلا بالرغم من إن ملاكها فرحانين بيها كده...يعنى لو هى فعلا كويسة ..أمال مش بنشوفها فى الشوارع سواء فى مصر أو غيرها....
رينو...بتخاطب ذوق معين....يعنى الواحد صوابعه مش زى بعضها...كل إنسان بيكون له ذوق و شخصية و حاجة بتميزه عن إللى جنبه..و دى حاجة ربنا خلقنا بيها زائد الظروف المحيطة بتسعاد على صقل هذا الجانب....
فى ناس..العربية بالنسبة لها سلعة...حاجة تقضى الغرض منها و هو الانتقال من مكان لآخر...ليس إلا...يعنى زيها زى الموبايل أو التلفزيون...كل العربيات بتمشى..طيب أنا أجيب ليه حاجة تزجع دماغى و توكيل و سعر إعادة بيع...يا عم بلا وجع دماغ...أنا أجيب حاجة زى إللى كل الناس راكباها و متوفرة و حنينة....
عندهم كل الحق فى ذلك و لا ألومهم بتاتا

لكن فى ناس تانية...العربية بالنسبة لهم فرد من الأسرة...له احتياجاته و اهتماماته و ميزانيته و فى نفس الوقت بيقدر على دوره فى الأسرة و إللى باقى أفراد الأسرة بيقدروا تعب العربية فى حملهم و تأمينهم و راحتهم و تدليلها لهم....

كون إن أغلب الناس من النوع الأول...ده لا يعنى وجوب سحق هؤلاء القلة الخارجة عن الأعراف و المعاقبن ذهنيا لإنهم بيبعزقوا فلوسهم علشان قال إيه العربية بتدلعهم !!!

لازم القلة دى نحاول نفهمهم...إذا الجماعة فشلت فى تفهم القلة...يبقى القلة أحرار فى اختياراتهم ماداموا لا يؤذون أحدا من الجماعة....نسيبهم يستمتعوا بالعربيةإللى بذلوا الكثير للحصول على مبتغاهم.....
إللى بيروح لرينو لازم يكون عارف حكاية سعر إعادة البيع و ضرورة متابعة الصيانة ( أنا بأدخل التوكيل 4 مرات فى السنة...بأدفع فى مرتين و مرتين ببلاش ...يعنى مش مقيم فى التوكيل و لا حاجة ).... و لو حد اشترى من غير ما يكون فاهم كويس هو بيحط الفلوس فى إيه...يبقى بصراحة هو إللى ما عملش Research كويس و كان مقصر فى جمع المعلومات قبل الشراء...لإن مش هايحصل مثلا إنك تروح تسأل على سعر قطعة و لا صيانة قى التوكيل و يقولوا لك سعر أقل بالكدب علشان يجروا رجلك....مش هاتحصل أبدا و خصوصا من EIM ...

إن كان على أسباب حب القلة للميجان على سبيل المثال...فممكن فى موضوع منفصل أقعد أقول قصائد الشعر بالمدح فيها...

كل إللى عايز أوصل له...إن زى ما عربيات تانية بتوفر راحة البال و سهولة الاستعمال...الميجان بتوفر حاجات تانية العربيات الأخرى مش بتوفرها...لو مهتمين بمعرفة سر حب مالكى الميجان لها يبقى زى ما اتفقنا فى موضوع منفصل....
إذا الميجان زيها زى أى حاجة فى الدنيا...ليها عيوب و ليها مزايا و الكمال لله وحده...إللى عايز الصفقة الأولى ...هيلاقى طلبه عند ناس...و إللى عجبه منتج و فكر تانى..يبقى الحمد لله إنه لقى صانع يلبى رغباته و يحقق طموحاته....

تقبلوا بفائق الاحترام