المشاركة الأصلية كتبت بواسطة sawy22
تم حل المشكله والحمد لله وللشباب بتاعت اسكندريه اللي حل المشكله ميكانيكي في الشاطبي جنب نادي الترام اسمه شادي وطلع العيب في حاجه اسمها المايوة قالي عايزة تتغير علشان فيها لوحه وبالفعل روحت اشتريتها وغيرها الصوت اختفي تماما
|
الف مبروك بس وعقبالي لما مشكلتي انا كمان تتحل واكتشف الصوت جاى منين بالظبط في العربية
لان الصراحة موضوع المايوة والشاطبي دة يعني موضوع سكندري ع الاخر يعني تصلح العربية في الشاطبي يقولك المايوة لكن تصلحها في القاهرة يقولك الجاكيت
ياريت الاقي حد يقولي ايه الصوت دة وسببه ايه.. هو صوت خبط زي بتاع الكوبلن وبيظهر اكثر في الملفات لكن مش على الملف في الاخر مع كسر الدركسيون حاجة بسيطة جدا كأنك راكن وخارج من العربية اللي قدامك الصوت بيظهر غيرت الرومان بلي العجل وبرضه الصوت مراحش ومش عارف هو منين الصراحة
وكمان في صوت خبطة مع الطلوع بالعربية وبيظهر او بيزيد اكتر وانت طالع بالعربية في الزحمة لما تطلع وتقف اكثر من مرة الصوت بيتكرر جدا او لما بكون على طلعه كوبري والطريق واقف
اشكركم جميعا