مشكلة في الكاسيت الاصلي اوبترا 2011 - كاسيت CD
السلام عليكم ورحمة الله وبركاته
المشكلة هي ان الكاسيت من ساعة ما اشتريت العربية وهي جديدة زيرو وال CD شغال زي الفل اول ما ادخل ال CD عند المنتصف الكاسيت بيسحبها ولو حصل وخرجتها من خلال زرار Eject وتركتها ملمستهاش الكاسيت بيسحبها تاني خلال 10 ثواني
في يوم ابني الصغير وانا مش واخد بالي راح مدخل CD تاني مع اللي موجود جوة ودخلها حشر طبعا
المهم حاولت اخرج الاتنين من خلال زرار Eject ومنفعش طبعاً
فسحبت واحدة بالراحة و التانية خرجت بالزرار عادي
ومن يومها كل المميرزات اللي قولت عليها فوق راحت
المشكلة الاساسية هي اني علشان ادخل CD في الكاسيت تطلع روحي كل ما ادخل ال CD تخرج تاني قبل ما توصل للاخر او تثبت ويبقى ظاهر منها جزء صغير بره الكاسيت
الموضوع مجنني يعني لو سايق على طريق وعاوز اغير CD ببقى مشتت ومش عارف ادخل ال CD ممكن تطلع و تدخل 6 او 7 مرات لغاية ما الجهاز يقبلها
هل من حل ؟؟؟؟ انا خايف اروح لحد يبهدل الكاسيت وما هو سبب المشكلة؟؟؟؟
التعديل الأخير تم بواسطة eng.emadhosni ; 26-06-2015 الساعة 11:54 AM
|