السلام عليكم ورحمة الله وبركاته
بسم الله ما شاء الله
أعتقد انها سيكون لها مستقبل
شكلها جميييل
الله الموفق توكل على الله وبعد 4-5 سنوات هتكون بإذن الله اجمل من اكتوبر كماان
انا سكنت اكتوبر من 23 سنة وكانوا بيقولوا روحوا الصحراء بتاعتكم دلوقتى اللى قال لنا كده مش طايل ياخذ متر مربع فى اكتوبر
توكل على الله العقارهو الابن البار ولا تنم على وضع فلوسك فى شقه ستشعر بعد ذلك انك تصرفت صح
بس تاكد من الشركة اللى هتشترى منها والتزامها بالتشطيب والتسليم
وقبل اى شئ صلى صلاة الاستخارة
وفقك الله انت واولادى وكل شباب مصر
|
شكرا لحضرتك و ربنا يخليك
ولا مبروك مقدما.
بمناسبة انى من سكان الرحاب سابقا ومدينتى حاليا.
وعلى فكرة هى مش أمام مدينتى ولكن بعد مدينتى بـ 10 كم
ولكن، لايوجد مقارنة بينها وبين الرحاب ولاتصدق أى كلام يقال.
يمكن أن تكون الوحدات افضل من الرحاب ولكن المهم فى السكن هو المواصلات والخدمات،
سواء الرحاب أو مدينتى لهم مواصلاتهم الآدمية الخاصة وكذلك الخدمات المتكاملة والآهم الأمن.
فهل ذلك متوفر فى هليوبوليس الجديدة؟
عمر هليوبوليس الجديدة حوالى 10 سنوات الآن ولكن هل هناك أى تغيير فيها من ناحية الاعمار أو الخدمات، يجب أن تسأل السكان الحاليين عن ذلك حتى تتمكن من معرفة كم سوف يستغرق الوقت لتكون صالحة للسكن.
أما المقارنة بينها وبين الشروق!! هماك بعض المناطق بالشروق ليس بها خدمات بتاتا والبعض الآخر القريب من الجامعة البريطانية أو جهاز المدينة به خدمات كاملة.
بالتوفيق ان شاء الله.
|
متشكر علي ردك ان عارف ان المدينه بقالها عشر سنين لكن ابتدا الشغل من 3 سنين لو تلاحظ الاعلاانات منزلتش الشوارع الا من سنه تقريبا و الصفحه بتاعتهم علي الفيس و الموقع من سنتين بس
الشركات معطمها زي املاك و بريدج و المصريه هيسلموا في 2015 يعني ناس كتير هتسكن و بالتالي الخدمات هتبقي مهمه و لازم يوفروها اما الشروق فمش عارف ليه حاسس انها هتبقي شعبيه وبعدين المتر في هليوبلس اغلي جامد من الشروق و ده محسسني انها هتبقي احسن اما بالنسبه لموضوع الرحاب و مدينتي فالتطور السريع ده بسبب انهم شركات خاصه خلينا نتكلم عن اكتوبر و مدينه نصر و التجمع نفسه اللي هو من احسن الحتت في مصر دلوقتي الحتت دي خدت وقت عشان تبقي حاجه ولا حضرتك رايك ايه