مش عارف ليه كل الحقد على العربيه ديه بالذات اشمعنى ديه بالذات اللى كله قال وحشه من قبل ما يجربها و كمان احقاقا للحق الاغلب قال انها حلوه من قبل ما يجربها
بصوا يا جماعه نهاية الموضوع
الايمجراندا لازم تنجح لاكثر من سبب
1:غبور من اقوى التوكيلات اللى فى مصر و بقالله سنين عمرو ما نزل عربيه و خدت سمعه وحشه
والدليل على كدا بداية من الاكسيل لغاية الانترا 2012
ممكن بينزل عربيه خامتها وحشه ينزل عربيه من البلاستيك
ينزل عربيه ويشيل منها شوية كماليات
بس عمره ما نزل عربيه خربانة تبوظ سمعته حتى لو عربيه فيها مشكلة على طول بيصلح العيب وقليل جدا ما تدخل تلاقى حد بيقول على التوكيل بتاع غبور حاجه وحشه بخلاف توكيلات اخرى كتير اغلب ان مكنش كل اصحاب العربيات بتاعت التوكيلات التانية قعدوا يشتموا فيهم ويدعوا عليهم ووصلت لقواضى كمان
2:العربيه من شركة قوية جدا وهى شركة جيلى ومحدش يقولى ديه شركة صينى احب اقوله ان الشركة ديه مشترية شركة فولفوا افضل شركة تصنع عربيات امنه فى العالم وده اللى اخدوا من خبرات فلولفوا شوية وبدائوا يحطوها فى عربياتهم الصينى الوحشه اللى اخدت 4 نجوم امان من الاتحاد الاوربى و بمعنى اخر شركة جيلى شركة مبتهزرش ومش قليلة
4:العربيه عبارة عن مزيج تقنيات مختلفة مثالا الموتور تقنية تويوتا الشاسية تقنية فلفوا وده سبب قوى جدا يخلى العربيه تنجح وان ديما بقول (كل ما تعمل عربية لقيطه بمعنى تاخد تصميم الماتور من شركة وتاخد تصميم الشاسيه من شركة وتاخد تصميم العفشه من شركة ده يخلى العربيه تكون ناجحه ) ومثال على كدا BYD فيرنا لانوس كل العربيات ديه عبارة عن هجين بين افضل ما فى السيارات وتم جمعهم فى سيارة واحده
5: من خلال اول تقرير عملى عن السيارة لاستاذ بابا محمد الراجل وبالفديوا شكر جدااا فى السيارة و فى جوده صناعتها و انها بالتمن ده حصل على سيارة كدا و بكل الامكانيات ديه
6:يوجد تجربة للسيارة بالسعوديه بقالها حوالى عاميين و صيتها قوى جدااا هناك وكثير شكروا فيها جدا مع العلم انكم فى السعودية اللى بيستقلوا باليبانى و الكورى ومبيركبوش غير اوربى و امريكانى حتى الحوادث اللى حصله للعربيه هناك واضح ان اداء العربيه فى الحادثه اكثر من ممتاز والكابينة متأثرتش نهائيا
7: السيارة بها العديد من الامكانيات التى لا تتوافر فى سيارات ثمنها 150 الف وكفاية الماتور VVTI المصمم من شركة تويوتا اللى هيخلى عزم العربيه قوى جدااا على سرعات دوران مختلفه و بعض الامكانيات الاخرى مثل الجنوط اللى على شكل مروحه ووظيفتها تبريد الطنابير وديه قليل تلاقيها فى سيارات غالية وناس كتير مخدوش بالهم منها
واخيرا ارجع واقول مازالت السيارة سيارة جديده بس عموما الوهلة الاولى بيكون فيها بعض الاختلافت بين مؤيدى او معارضى السيارة وهذا ما ستكشفه لنا الايام القادمة وانا اتوقع نجاح هذه السيارة مادامت مع غبور