طبعا الأوكتافيا مفيش كلام عليها بس فعلا التقرير كله عن مميزات فعلا زي ما اتفضل الاستاذ وائل وقال؛ أنا معايا العربية واللي شايفه عيوب فيها التالي:
1- الوزن تقيل بالنسبة للموتور 1600 سي سي عشان كدة فعلا بتحس إن طلعة العربية تقيلة في البداية لكن فعلا وعن تجربة لو على طريق مفتوح مثلا بتحس إنها بتاكل الطريق أكل.
2- العفشة ناشفة شوية
3- التصميم بتاع الشنطة مخليها عالية شوية وبيخلي الرؤية الخلفية صعبة حبتين.
بس عموما العربية جميلة جدا ومتسمعش كلام من أي حد غير اللي ركبها لأني سمعت كتير اوي عن ارتفاع تمن قطع الغيار وعن عيوب العفشة وووووو ... وحاجات كتير اوي لكن بجد صدقت وقتها مقولة ان اللي ميعرفش بيقول أي حاجة أو يمكن ده رأيي لوحدي لأني فعلا من عشاق العربية دي ولو غيرت عربيتي هجيب اسكودا برضو بس ربنا يسهل وسكودا ياتي تنزل ونشوف أسعارها إيه.