رد: تسخين السيارة
لما ادورها الصبح وانا طالع المفروض اسيبها تسخن اسيبها كام ؟
حسب الزيت و حسب منظومة التسخين ( شفاط او اتوماتيك شوك او صمام ايدل )
لو زيت تخليقى ممكن بعد 30 ث لدقيقة تتحرك لو منظومة التسخين تسمح بكدا بدون تقطيع
لو زيت معدنى يفضل مدة اطول مش اقل من دقيقتين تلاتة ممكن 5
برضه اللى حيحكم منظومة التسخين سواء شفاط او اتوماتيك شوك
لان ممكن تقرفك لو مشيت بدرى و حتفضل تقطع و ممكن لا بس مفيش ضرر من كدا
و عامة حتى لو اتحركت بدرى يفضل عدم القرص على النقلات لحين وصول درجة الحرارة لمستوى قريب من الطبيعى
ثانيا لما اسخن السيارة واطلع بيها الصبح واركنها حوالي 4 ساعات وادورها اسيبها تسخن تاني ولا ادورها واطلع على طول ؟
دورها و اطلع و برضه اللى حيحكمك منظومة التسخين لو مش مضايقاك و مش حتقطع يبقى تدور و تطلع على طول
ثالثا المفروض لو راكن العربية مش طالع بيها ادورها كل كام واسيبها دايرة قد ايه ؟
لو البطارية تمام و ضفيرة الكهربا مفيش تهريب
يبقى كل اسبوع نص ساعة
__________________
سبحانك لا علم لنا الا ما علمتنا
|