احب اقولك ان المناقشة معاك ممتعة جدا وبتعلم معلومات جديدة وظريفة كتير
احب بردو اعلق على بعض النقط
اولا ..... الى انتا بتقولة دا صدقنى مستحيل ...
مفيش فى التسارع يابانى وهندى .... الموضوع بيتقاس بالوزن وقوة الموتور والفتيس
بالنسبة لتوكنولوجيا الانسر .. لو تقصد الmivec ?
الكلمة دى اختصارة ل
Mitsubishi Innovative Valve timing Electronic Control
ودا موجود فى التويوتا كورولا والياريس بتاعتى من 2001 مع اختلاف الاسماء (vvt-i -variable vavle timing with intellligence ) .... فالموضوع مش تكنلوجيا لولبية ولا حاجة يعنى
انا بحب حابب اوصل لان الى انتا بتقولة دا مستحيل ... ان لانسر 109 حصان تسبق النترا 121 حصان وهما نفس الوزن والتورك تقريبا واحد بردو ...
لازم عيب فى السائق ... لان الانترا من اسرع العربيات ال1600 فى السوق المصرى اصلا
انا مش بقول ان الانترا احسن من الشارك .. لأ ... انا بحب اصلا الشارك اوى وبتمنى اجيب واحدة فى المستقبل القرريب ان شاء الله ... انا بعترض على البومة
ثانيا ... فتيس الانسر القديم 5 نقلات.. وممكن حضرتك تتأكد .. ويعنى اية الفتيس ملهوش دعوة باستهلاك البنزين
اتفضل اقرأ المقال دا عن الفتيس
وهتعرف انا قصدى اية بتوفير البنزين وبمميزات الفتيس دا
http://en.wikipedia.org/wiki/Continu...e_transmission
فمينفعش تقول على واحد من احدث ابداعات ميتسوبيشى (الحمدد لله انة مشى اخيرا )!
ثالثا .... انهى جولف دى الى 145 :D ..... الجولف بتكلم عن الجولف 5 الى بتنزل مصر .... مع صاحبى الانتيم 2009.... وفيها موتور فولكس الmpi زى الجيتا والاوكتافيا والفتيس الست نقلات استيب ترونيك
صباح النور
وانهى جيتا دى الى بتقطع كورولا ؟؟!! ... انت بتتكلم عن الكورولا الجنوب افريقى ال124 حصان بالفتيس الmmt ؟؟
لو كدا يبقى انسى .... الكورولا دى بتجربة فعلية منى حققت تسارع من 0-100 فى 10 ثوانى بالتمام والكمال ... والجولف معرفتش تعدى ال13 !
اصلا الجيتا والاوكتافيا والجولف عربيات تقيلة ... وزن كبير جدا على مواتير صغيرة .... علشان كدا بدأو يلجأوا للمواتير الtsi والفتيس dsg علشان يحلوا المشكلة د .. واتحلت فعلا
وبالنسبة للانسر ال1600 ضد الكورولا ال1600 الشكل القديم فى التسارع والثبات .. زى ما قلت لك قبل كدا .... الانسر طبعا تفوز بفرق واضح كمان .. وراجع ردى السابق هتلاقى السبب
رابعا .. بالنسبة لليوزد .... انت متعرفش ان التخميس بيمسح الكوتش وبيقلل عمرة جامد ؟ ... ولو رحت عملت الكشف الى قلتلك علية دا فى التوكيل كانو هيعرفوا ... وهيوقلك تاريخ العربية بالظبط .. والدك معرفش علشان مش معاة الاجهزة والخبرة اللازمة ... هو راح قعد على الكرسى وخلاص .. ومعتقدتش المهندسين فى التوكيل هيقعدوا على الكرسى بردة بس وخلاص !
وبالنسبة للفلاتر والتيل والكلام دا .. انت مش مطلوب غير انك تعمل صيانة دورية فى التوكيل زى اى عربية جديدة
فمش عارف انت تقصد اية بالظبط
خامسا ... الياريس ضد الانسر ..... عليك نوور ... الياريس وزنها اخف ونفس قوة المتور .. فهيبقى فى فرق واضح فى صالح الياريس ... بس تعرف لية الانسر هتسبق على السرعات العالية ؟؟ مش علشان تسارعها افضل .. لأ .. عشلان اليريس زى ما قلت وانا مش هنكر عربية مدينة ومش معمولة للسرعات العالية ... فالى راكب الياريس هيخاف يجرى اكتر من 120-130 لكن الانسر ثباتها افضل نسبيا فهيكمل
سادسا ..موضوع الوسع الداخلى انا مش هرد علية .... هخلى باقى الاعضاء يردوا لاننا مش هنوصل لنتيجة ... انا هقول اوسع .. وانتا هتقول اضيق .. اوسع .. اضيق .. اوسع ... اضيق :D:D
فى النهاية انا مش معترض على لانسر ب90 الف او حتى 100 او 110 .. لكن انا معترض على 133 الف جنية فى عربية شكل قديم !! وكمان شالوا منها حاجات !!
ربنا يهدى الجميع