[احمد على 1999]

اولا تسلم ايدك على التقرير
تقاريرك بتحسسنى انى قاعد فى العربية
بما انى من ملاك العربية الفئة الاوتوماتيك الهاف أوبشن
فاحب ااكد انها
الازاز اللى قدام بس كهربا
المرايات مش كهربا
مفيش سنتر
و مفيش انذار
هههههههههههههه
كل اللى فيها
اتوماتيك
كاسيت سى دى
مذيب شبورة
الازاز قدام كهربا

العربية واسعة من جوه بطريقة ملفتة بالرغم من صغر البودى بس اكمن الماتور كومباكت و السقف عالى فالقعدة جوه مريحة تكاد تكون فى وسع اللانوس
اكمنى عندى الاتنين فبحب اقارن بينهم
الشنطة طبعا صغيرة بس مش قوى معقولة للاستخدامات البسيطة
الماتور قوى و تسارع يكاد يكون زيى اللانوس
بس مع العدد الزيادة يبان الفرق
مرة كنا فيها 4 كبار + 2 شباب 15 سنة طبعا كنت حاسس فى المطالع بالفرق ما بينها و ما بين اللانوس

اقصى سرعة للاتوماتيك بالعافية 155 ل 160 كم / س
الاستهلاك على السريع بس بحسس على البنزين و براحتها و قبل ما هدى بكتيير بشيل رجلى من على البنزين ممكن تعمل او فعلا عملت 410 فى الصفيحة شاملة من اسكندرية القاهرة لغاية سينما طيبة و العكس

جوه البلد بتعمل بالعافية من 200 ل 240 كم فى الصفيحة بس طبعا عمر ما مشاوير جوه البلد تبقى مقياس

سماعات الكاسيت قدام بس و تعبانين كل ما اروح الصيانة يغيروهم تبع الضمان

مستوى التريمات البلاستيك فى التقفيل ضعيفة جدا من الاخر جودتها وحشة من مرة واحدة افك غطا علبة الفيوزات المشقبيات اتنت

و فى المعرض الراجل وقع فيوز الكماليات جوه تريم القايم الشمال و انا فكيته بنفسى و جبت الفيوز بس برضه مشقبية اتكسرت

طبعا اللانوس مش كده خالص كله فيها بيتفك و يركب عادى بدون حساسية

الفرامل رائعة بالمقارنة باللانوس مفيهاش فرامل
التكييف قوى تقريبا زيى اللانوس

صوتها ناعم عكس اللانوس

دركسيون كهربا ربنا يستر

سعرها كان فى شهر 10 ب 72500