أنا عندى ليك حل بمليون جنيه
وده عن تجربه
لأن الكولمان ولا الايس بوكس بياخد مكان كبير
فى شنطة العربيه
شوف يامعلم
1- أجمع اللحوم كلها جنب بعضها وهى مجمده
2- لف اللحمه كلها على بعضها بالجرائد وكتر
الجرائد وممكن تلزقهم بأى ورق لزق
3- ضع اللحمه بعد تغليفها بالجرائد فى كيس
وليكن كيس زباله كبير
4- أقفل الكيس بأحكام بأى ورق لاصق ( تييب )
5- لف كل ده بملاية سرير كبيره وطبعاً بأحكام
وأربط الملايه أو ألزقها بشكرتون أو تييب
وبكده يامعلم يبقى عندك كولمان عموله
على قد اللحمه بتاعتك
الطريقه دى من أختراع أمى
يعنى حق الاختراع مسجل
ههههههههههههههه
أنا أضمن لك أن تظل اللحمه مجمده
لمدة عشر ساعات أو أكثر