[الصقر_الجارح]

المشاركة الأصلية كتبت بواسطة mahmoud harb بص ياسيدى انا من المنوفيه فى عندنا ورشه كبييييييييره لصناعة علب الشاكمانات وتركيبها وورشه تانيه للاكسدامات الحديد ودى تخصص تويوتا وديماكس انا فصلت الشكمان كامل يعنى مواسير (طبعا السمك والخامه انظف من الاستيراد) واتقطعت واتظبطت (لف وثنى ولحام) والعلب طبعا صناعه منوفيه وبس وللامانه الواد اللى ركب الشكمان اديته 20ج دخان يبقى كله 370 و10 كاوتشه الل بتمسك الشكمان كانو بايظين عندى كله كدا 380 بس ال30ج دول ممكن متدفعهمش لو الكاوتش سليم ومديتش الصنايعى دخان يعن الاساسى 350 والجوانات والحاجه الباقيه من الورشه واللى حابب يشوف يكلمنى وانا اديله العنوان تفصيلا 01282727305

طيب والله دي حاجة كويسة خالص يعني حضرتك عاملو تفصيل وأكيد هيكون احسن من الإستيراد

أنا الشكمان بتاعي غيرته كامل من 4 شهور من أول السوسته اللي قدام عند فرن الشكمان لحد اخر علبة ورا في العربية الراجل كان عايز 650 جنيه بالعافيه اديتله 600 ومش عاجبه كمان.

وخدت الشكمان القديم وحطيته عندي في الشنطة مرضيتش أسيبو للراجل هههههههه.

وعلى فكرة بعد ما غيرت الشكمان كان في مشكلة في العربية متحلتش وهي ان السحب ضعيف بس الميكانيكي الحمار اللي انا روحتله قالي الشكمان عايز وبعد ما غيرت لقيت السب زي ما هو وفي الاخر طلع في ترس مكسور اشتريت واحد جديد بــ 55 جنيه والعربية بقت زي الفل.

بس أنا قلت يلا عموما الشكمان الجديد مش هيضر بردو وبصراحة حسيت ان العربية فاقت بردو عن الأول يمكن لأن الشكمان الجديد كان مكتوم.

بس دلوقتي المشكلة عندي ان بعد تغيير الشكمان في صوت زي زنة عالية كده بتطلع تحت من الشكمان لما ازود بنزين ولحد دلوقتي الصوت ماراحش

ياريت اللي يعرف سبب الصوت ده ايه يقولي ربنا يخليكم.