المشاركة الأصلية كتبت بواسطة yassersaky
السلام عليكم ورحمة الله وبركاتة
أ / حمدي
كنت عايز اسال سؤالين بس علشان الصنايعي شغال عندي دلوقتي
انا كنت جايب سيراميك ريسبشن 50*50 وكنت عايز اعملة نظام زوايا او 45 يعني
انا عندي الريسبشن 9.5 *3.5 فطبعا طويل بس مش عريض فهل لو عملتة زوايا مش هتبان فية واعمل عادي وخلاص لان الصنايعي بيقولي المكنة بتاعتة مبطقتعش البلاطة 50 دية لانة معاة مكنة 60 وانا عارف انها مشكلتة هو مش مشكلتي بس عايز اعرف بخبرتك البلاطة ال50 هتبان في الريسبشن الضيق دة ولا اية
|
المشاركة الأصلية كتبت بواسطة tomyseal22
بعد اذن الاستاذ حمدي
بس هو فعلا البلاطة الخمسين هتكون كبيرة علي عرض الريسبشن
كان الافضل تجيبها اصغر شويه
لان والدي عمل كده وجاب البلاط كبير و الريسبشن عرضه صغير
و طلع شكله مش حلو خالص و السيراميك مش مش مناسب للمساحه
البلاطة الخمسين عايزة مساحه واسعه عشان تبان
لو انت شاري من السلاب ممكن تغير السيراميك بأصغر خلال 15 يوم
|
وعليكم السلام ورحمة الله وبركاته اسمحلي بداية ان احي الاخ الفاضل علي اجابة ووجهة نظره وكلا مه صحيح الا اني اختلف معه في جزئيه بسيطه الا وهي ان كل مكان له خصوصياته من حيث المقاس وهل البلاطه الكبيره لها مساحه محددة بحيث لو قلت عنها اتينا بالصغيرة ام ان المساحه تقريبيه؟ واني اري انها تنفع هي هذه المساحه ولا يشترط ان يكون رائي هو الصواب ممكن يكون راي حضرتك اصوب مني الا اني اقول انها تنفع لان علي ما اذكر ان البلاطه الخمسين القطر بتاعها بيساوي 70 سم وبالتالي ان عرض الصاله ياخذ خمس بلاطات صحاح بدون كسر او غلايق والطول تقريبا يزيد عن 12 بلاطه واعتقد المساحه كافيه واما عن ان المقص ال60 لا يقطع البلاطه ال50 علي السوكه او ال45 فهذا صحيح الا انه توجد طريقه لقطع نفس البلاطه ال50 علي نفس المقص ال60 وهي مجربه اكثر من مره ولا يوجد بها اي عيوب هي تحتاج صنايعي جرئ اوخبره لانه ممكن يقول متنفعش لانه ربما لا يقتنع او يخاف يجرب وخصوصا لما يكون الامر جديد عليه بيكون فيه هيبه شويه وهو انه يصل قطر البلاطه ببعضه عن طريق شد خط بالقلم عليها وبعدها يضع البلاطه فوق الكساره بتاع المقص ثم يضع علامه علي الكساره تقابل سوكة البلاطه حتي لا يضطر شد الخط علي كل بلاطه يريد قطعها والفديه هتمشي علي البلاطه حوالي 95% ويقلب البلاطه ويمشي بالفديه ليكمل الخط ال5% الباقيه وبكدي يستطيع قطع البلاطه وعلي فكره الطريقه ليست صعبهوان قال انها تاخذ وقت هي تاخذ حوالي خمس دقائق لانه هذه الطريقه هتكون في الخيط فقط اما باقي الغلايق البلاطه هتتحط عادي لانها هتكون اقل من النصف وطبعا الخيط عندك علي المساحه المذكوره 12 بلاطه يعني هيقطع 6 بلاطات ب12 نصف ونصيحه لو استصعب الامر لا تضغط عليه واتركه يعملها عدله حتي يكون الشغل افضل وربنا يوفقك