[3bd0]

انا يمكن عمري ما سقت القشقاي ولا شفتها من جوة
ومع اني بحب النيسان بشكل عام
بس بصراحة مش داخل مخي حكاية العربيات (crossover) اللي لا هيا طايلة سما ولا هيا طايلة أرض
يعني لا هيا سيدان ولا هيا جيب، حاجة كده هجين
وزي ما قال الدكتور إسلام، هاتستفيد إيه بال 4x4 وهما كلهم 1600 cc و 110 حصان! ده يمكن لو غرزت متعرفش تطلع نفسها !
ولو إعتبرنا انها سيدان بس أكبر شوية، ما هما هما الكرسيين و الكنبة برضو (مفيش صف تالت يعني) معملناش حاجة
انا بصراحة مش فاهم العربيات دي خالص
بس أكيد الشركات مش هتصنع حاجة إلا وليها سوقها وليها الناس اللي بيحبوها
وأنا أتفق معاكم في إنها لو تزلت هاتكسر الدنيا، لأنها في الأول وفي الاخر {نيسان}