المشاركة الأصلية كتبت بواسطة mohamedkamel8677
شوف الباسات الجديدة ممتازة جدا لكن فى مشكلة موجودة فى مصر بس و هى ان المحرك صغير جدا جدا بالنسبة لحجمها و وزنها عشان كدة هما زودوها بالتربو عشان يقدر يشدها شوية و دى بيسبب تقليل العمر الافتراضى للمحرك بشكل كبير عشان كدة انصحك تجيب باسات من ٩٨ الى ٢٠٠٦ و افضل موديل فيهم هو اللى بين ٢٠٠٠ و ٢٠٠٢ دة موديل اسمة باسات FL و حتى لو جبتها ١٦٠٠ CC مفيش اى مشكلة
اما عيوب الفولكس فاجن عموما و الاوكتافيا و السيات التابع لفولكس كالاتى ... رومان البلى بتاع العجل --- مفصلات الابواب --- ماتور المساحات و تحديدا الخلفى --- اما لو هتشترى من منطقة ساحلية زى اسكندرية فانصحك تاخد العربية و تروح ترفعها لفوق عند اى حد و تبص عليها من تحت عشان الفولكس عموما بيتأثر جدا بجو البحر و دايما تجيلة الباروما فى الابواب من اسفل و الحتة اللى ما بين العتب و الشاسية و الافضل هاتها مانيوال و ابعد عن الفتيس اللى اسمة DSG بيخرب بسرعة رهيبة غير كدة الباسات زى الفل و ثباتة راااااائع على الطريق و تحت الامطار كمان تقدر تشد بيها و انت مطمن و الزيت بيتغير كل ١٠,٠٠٠ كيلو و السير بتاع الماتور لو اصلى تغيرة كل ٩٠,٠٠٠ كيلو و لو مش اصلى كل ٥٠,٠٠٠ كيلو
و انا تحت امرك فى اى معلومة
|
أسف أخطأت فى حاجة و انا بكتب ا نا قولتلك ان افضل موديل فيهم هو اللى بين ٢٠٠٠ و ٢٠٠٢ دة موديل اسمة باسات FL لكن افضل موديل فيهم هو اللى بين ٢٠٠٢ إلى ٢٠٠٤ عشان هو دة الموديل FL حتى هتلاقى فى اختلاف فى شكل مقدمة السيارة بيكون فية انسيابية اكتر
اسف لو كنت اخطأت لكن الامانة تستوجب منى انى انبهك