المشاركة الأصلية كتبت بواسطة DK.Cupo
مشكور جدا يا حازم يا حبيبي على الاسعار انا بس كنت سمعت موضوع الاسعار ده ومصدقتش بس انت اكدت الكلام ده
اما بخصوص Tham1010 انا مش المشكله عندي لا انا اقصد سمعت انك بتنزل بورسعيد وهناك في العربيات والناس المصابه (المعاقه) بياخد منك مبلغ مقابل بجيبلك العربية بأسمه وبعد فك حظر المعاق من العربيه بيعملك تحويل ملكيه وانت طبعا المحامي بتاعك واخد اجرئاته علشان الراجل ده ميضحكش عليك يعني شيكات ووصلات وكده ياريت اللى يقدر يفيدني بالكلام ده او عنده اي فكره يقول
ومشكور جدا للمتابعه ........  |
لو ساكن فى القاهرة وبتاع سفر وبتحب تسوق عربيتك كل يوم يبقى بلاش حوار العربيات بتاع المعاقين دة لعدد من الأسباب مالية ومخاطرة:
أولا : المعاق لازم يطلع رخصة سواقة. وهذه الرخصة بيطلعها على عربيته المجهزة. إذا حضرتك هتتكلف مصاريف إستخراج رخصة قيادة للمعاق وتركيب جهاز فى العربية. هذا بالإضافة للفلاوس بتاع المعاق اللى بتكون 5000 حد أدنى.
ثانيا: الرخصة بتاع العربية بيتكتب عليها "حظر مصلحة جمرك" من الأمام و كذلك مكتوب عليها " سيارة مجهزة لا يقودها إلا مالكها". طبعا أى حد يوقفك لاى سبب هيعمل لك مخالفة تسير مركبة الغير ويسحب لك الرخصة. الحكاية فيها مخاطرة كبيرة وتستمر لحد 5 سنوات هتكون فيها على اعصابك. ولو لقدر الله حبيت تبيع العربية لاى ظروف خلال الخمس سنين مش هتقدر إلا بعد فك الحظر وفى النهاية الأمر مش فارق جامد عن العادى. أنا مثلا جبت عربيتى الماتركس 39 الف مانيول فبريكة برة وجوة وحالتها جيدة جدا وواحد تاجر فصل هالى علشان يشتريها بمبلغ 51 الف. طبعا أنا مش كنت عاوز أبيع اصلا فمدخلتش فى مفاصلة بس دة اول كلامه.