هاتلى المعلومات دية من مواصفات الموتور بتاعك هتلاقيها فى الكتالوج او موقع العربية و هقد احددلك الكيت المناسب
مطلوب منك :-
اقصى رقم للأر بى ام على العداد
اقصى ار بى ام تعمله العربية على وضع المور او N
قطر البستم البورا
طول الشوط اللى بيقطعه البستم الاستروك
معامل الانضغاط الداخلى للمحرك
قطر الثروتل " البوابة اللى راكب عليها عمة الهواء
سبيكة الموتور
المسافة بين فتحة الثروتل و اقرب منطقة فاضية فى حوض الموتور "عشان حسابات الخرطوم"
دول بس هيحددو قدرة الشحن الجبرى للهواء اللى هنستخدمهم
الموضوع ده هيساعدك انك تحدد الفئة اللى تحب تشتغل عليها و هيوضحلك اكتر عن عمليات رفع الأداء
http://www.masrmotors.com/vb/showthread.php?t=119198
بالنسبة لتعديلات نظام الأشعال في منها طرق كتيرة مثلا ممكن تحط كويل لكل بوجيه و ممكن تحط فلاى باك ترانسفورمر بدل الكويل " الموبينة " ممكن تحط اربعه فلاى باك ترانسفورمر - ممكن تحط ايجنيشن امبليفير على الموبينة العادية و ممكن تحط معاها سبلايتر الكترونى
الوقود عندك فيه خيارات كتيرة زى وضع طرمبة بنزين خارجية و اير ماس احدث و رشاشات رياضية و ممكن تحط انواع من السوبر فويل زيى خليط ال ( البنزين 92 + STP الابيض + STP الرمادى ) و فى خليط ال (البنزين 95 المنقى + الايثانول ) و فى خليط ال (95+النيتروز) و فى خليط ال (95 +الاكسجين + النيتروز )
فى تراكيب تانية لكن غير قانونية
و طبعا كل ده مش هيتعمل غير لو انت متأكد من حالة المكنة و الجيربوكس و العفشة