رد: المكونات الكهربائيه للسياره من الاف الى اليـــــاء
أولا احب اشكر حضرتك على هذا الموضوع لأن انا عربيتي بقالها شهر كان فيها عطل غريب ومش عارفه لكن بدأ يتضح ليه من خلال هذا الموضوع
ثانيا وباختصار شديد انا هشرح لحضرتك العطل عشان لو حضرتك تقدر تفيدني لوكنت انا ماوصلتش للعيب بالظبط
بسم الله
انا عندي عربية فيات 125 ايطالي 1500cc
من حوالي شهر خرجت بيها مشوار وكانت كويسة وجت وانا بركنها عند البيت لقيت دخان طالع من الكبوت فتحت لقيت المارش مدخن فجريت جبت الكهربائي قالي المارش سليم والعيب في مفتاح الكونتك ( بيلف على الفاضي !! )
المهم من بعدها كل ماخرج بيها تمشي شوية وتبطل وتقعد فترة عقبال ماتدور تاني جبت ميكانيكي قالي وساخة كاربراتير ونظفه وبقه تمام وأخيرا بعدها بيوم نازل ادور مادارتش ( عملت صوت تك تك زي ماتكون البطارية بايظة ) فسبتها بتاع اسبوع او اكتر وجيت ادورها دارت من اول لطشة زي مابيقولوا وفضلت دايرة بتاع ساعة والنور شغال وكله تمام رحت مبطلها وجيت ادور في ساعتها عملت نفس الحركة ( تك تك ) وحلفت ماهي دايرة
أرجو من حضرتك الافادة
واسف جدا جدا على الاطالة
|