سيدي الفاضل، طالما المقارنة بين أفيو ولوجان فنصيحتي - وأنا مالك ﻷوجان أوتو، وعمري ما ركبت أفيو - هات لوجان. دي الإجابة المختصرة وإليكم التفصيل.
أنا بقالي فترة من ساعت مكنت بفكر أشتري إيه كنت قريت كلام عن إن الأفيو فيها مشاكل والتوكيل زفت، فبعدت عنها من غير ما أسأل كتير، لاكن لما قريت سؤالك قولت أعمل بحث سريع في المنتدى (قسم السيارة أفيو)، ولقيت الآتي:
العربية من ساعت مبقت تتقفل في مصر وهي في النازل.
مشكلة إن الأربي إم بيخرف منتشرة وملهاش حل في التوكيل.
العفشة في منها شكوى بالهبل، تزييق وتخبيط وبيقولو ملهاش حل في التوكيل برضة.
التوكيل ميتخيرش عن إبن عمه غبور، للأسف كتير بيقولو سئ جدا.
ده غير العيوب إللي ممكن تلاقيها في معظم عربيات الفئه السعرية دي ( التكيف مش قد كده، الثبات في السرعات العلية. .. إلخ).
الخلاصة تعليق ناس كتير من إللى إمتلكوها وغيرهم إن حرام فيها الفلوس.
وأدي أبرز رد وأبرز موضوع من وجهة نظري من قسم الأفيو بالمنتدى، أنا تعمدت أنقلك رأي ناس جربت وإمتلكت الإتنين عشان تستفيد. .. إقرأ الموضوع ده للآخر. ..
http://masrmotors.com/vb/showthread.php?t=70175
وإقرأ الرد ده
http://masrmotors.com/vb/showpost.ph...35&postcount=2
وبرضه حضرتك دور في قسم الأفيو بنفسك، للأمانة أنا مش متحيز لعربيتي، كان ممكن ردي يختلف لو حضرتك بتقارن بحاجة غير الأفيو، وفي الآخر القرار ليك.
اللوجان الأوتو عامله معايه 1000كم وكسر و ماشاء الله زي الفل، مفهاش كتير من عيوب المنوال زي صوت الموتور العالي نسبيا وزنه دواسة البنزين وعصاية الفتيس، فيموضوع سخونية الأرضية والتبلوه بعض الشئ والإثنين محلولين بسهولة.سيح