[YahiaAshraf]

انا كونت قبل كده كونت عامل موضوع و بشكر فيه عن التوكيل فى الاسكندريه خصوصا

بس بعد اللى حصل معايا انا غيرت راى تماما


بس هو الصراحه كان كويس حتى شهر ديسمبر اللى فات من بعدها و هما مش كويسين نهائى


انا هحكلكم كل اللى حصل معايا بالتفصيل الممل


-----------------------------------------------

انا مره كونت ماشى فى الشتا بعربيتى و دخلت فى بركه مياه و كان تحتها بلاعه مفتوحه و هوب
دخلت فيها

العربيه محصلهاش حاجه علشان عاليه بس الكلاكس صوته اتغير شويه
المهم افتكرت علشان مياه دخلت فيه

عدا كام يوم لاقيته فصل خالص قولت فيوز و لا حاجه

ماشى

يوم الخميس 19 - 1 - 2012
ليلا لاقيت الشنطه مش بتفتح
هتلاقى حد لعب فى الشنطه بسلكه و لا حاجه

بس لاقيت المشكله فى اللوك بتاعها لانى بسمع صوتها بس مش بتفتح

قوت طب خلاص هروح التوكيل يوم الجمعه 20 - 1 - 2012
و بلاش اروح لحد بره علشان ميلعبش فيها

لان عربيتى محدش بيلعب فيها غير التوكيل بس


المهم روحت ( و ياريتنى مروحت)
روحت الساعه 9 صباحا اول لما فتحوا علشان ادخل بدرى
روحت و خدت نمره و على طول جه واحد بيكتب شويه حاجات فى ورق كده
و يدور العربيه و بعدين بيسبها لغايه لما تدخل
ماشى

لاقيتهم بيدخلوها

الحيوان اللى كان بيسوق و يدخلها عمال يطول على المارش زى الاهبل و العربيه اصلبا بتلقط على طول
جررررررررررررررررر

عمال يتعامل مع العربيه لعصبيه و يسوق بسرعه

انا خفت اللا يلزق فى حاجه بسرعته دى

ماشىىىىىىىىىىىى

دخلت استنيت فى الاستراحه
و قابلت ناس قاعده
و كلهم معاهم يا اما باسات او جيتا
المهم كل واحد عمال يشتم فيهم

و لاقيت واحد معاه سماعه البلوتوث اللى متغيره فى عربيتى

تخيلوا مصلحينها ازاى


قطعينها بالمقص السلكه و ملزقينها بشيكارتون
تخيلوا

لاقيته بيقولى حامل الاكواب عنده الحلفى مره لقاه مكسور و هو جاى بيها سليم يقوله يا بيه هى كانت مكسوره و هتلاقى حد من العمال كاسرها

ماشى
يقوله ب 800 جنيه الجديد
و بعد كده صلحوها علشان المشاكل

و حواديت كتيره اوى هتسمعها

المهم بالنسبالى

جه وقت صلاة الجمعه روحت صليت فى مسجد عند التوكيل
رجعت و دخلت فى الاستراحه
لاقيت المهندس جالى و بيقولى انا اسف يا باشا العربيه قفلت لوحدها ( سوجرت لوحدها ) و المفتاح فى الكونتاك

ينهار اسود على دماغكم


ازاى نفسى افهم

انا عربيتى لو ركنه و مفيهاش الكونتاك و مش بتتحرك بتقفل بعد 30 ثانيه اوتوماتيك
لكن هما كانوا شغالين فيها و الكونتاك فيها ازاى تقفل لوحدها

لان انا فاهو عربيتى شغاله ازاى

يقولى اسف يا فندم و بنحاول نفتحها دلوقتى
طبعا كل ده و مكنش حد اشتغل فيها


قولتله انا لو حصل حاجه فى عربيتى هحمله المسئوليه

يوقلى و الله متقلق

المهم اتنرفذت عليه و استنيت

حتى الساعه 3 عصرا انا طلبت ادخل الورشه بنفسى

دخلت لحسن حظهم ان الطبه اللى فى اكره الباب الخلفى يمين كانت مسروقه فعرفوا فتحوها من الحته دى


استنيت لحد الساعه 4 و نص

خالى يقولى اسف يا فندم الكلاكس مش موجود



مممممممممممممم
يعنى سايبنى قاعد كل ده و تقوىل دلوقتى مش موجود
و عارفين قالى بكام

ب 270 جنيه


ماشى و قالى الشنطه فتحت بس بالمفتاح بس لان اللوك بايظ

ماشى
طلعت اشوف العربيه و ياريتنى مشوفتها

اللى قالى الشنطه بتفتح بالمفتاح ده بعد عذاب بتفتح بعد خامس مره تقريبا


و لاقيت نمر العربيه اللى ورا مطبقه و لاقيت الكاسيت فاصل و لاقيت المسوجر بتاع الباب الخلفى يميكن بايظ

( هو مش بايظ بالمعنى ) بس شكل المسوجر بايظ بس لكن الباب بيقفل عاى و الله لمسته اتخلع فى ايدى
قولتله ايه الاهمال ده انا مسلمكم العربيه سليمه
و لاقيت اكرة الباب الخلفى يمين اللى برا متلزقه من وراها بشيكارتون اسود حته صغيره قولتله ايه ده
قالى مش عارف

نهاركم اسود

ماشى

لاقيت اكره نفس الباب بس من جوه مش مظبوطه ( سايبه شويه)

و كانت الساعه 5 مساء و ده ميعاد غلق المكان

قولتله انا مش ماشى من ام المكان ده و محدش هيمشى غير لما استلم عربيتى صح

قالى يافندم متقلقش هروح اعملها

راح لاقيته عملى المسوجر بس و مش اوى كمان

قولتله هات المفتاح وركبت مع ان اللى طلبته مش كله حصل

قالى طب ابتسامه بس يا فندم

قولتله انا لو استاعملت معاكم تانى مش هيحصلكم كويس

انا مش جاى ورشه فى الشارع علشان يحصل فى عربيتى كده

دهانا لو بره كانوا خافوا على العربيه اكتر منى
وشكرا ليكم مشيت على الباب بالعربيه لاقيت بتاع الفاتوره بيقولى امضى يا باشا قولتله امضى ايه و هباب ايه على دماغكم مضيت قالى لا يا باشا هنا روحت رامى الورق فى وشه و ممضيتش ومشيت و قولتلهم لما اعملكم سمعه زى الزفت محدش يتكلم بقى


و مشيت بالنسبه للكاسيت حسن حظى ان الكود اللى بيفتحه مكتوةب فى كتالوج العربيه و انا كان معايا الكتالوج ففتح الحمد لله

و انا كان عندى الساعه 7 مؤتمر عندى

شوفوا قاعد من الساعه 9 صباحا حتى 5 مساء عندهم

حسبى الله و نعم الوكيل فيهم

بليل بعت رسالة شكوى للشركه الام فى المانيا و اللى انا بشتغل فيها كمان

و اشتكيت و حكيت كل اللى حصل و بعت شكوى كمان للمكان اللى بيديهم اوامر فى اسكندريه و القاهره

بالنسبه للشكوى فى المانيا قولتله

انى ارجو الندخل السريع و الا هبيع العربيه و هشوف ماركع تانيه

طبعا دى بالنسبالهم كارثه

و بس و مستنى منهم اى حد يبعتلى ايميلى او يتصل بالموبايل



انا بقولكم حكايتى مع التوكيل اخر مره




كمان لاقيت عربيه باسات الشكل الجديد عندهم واحد بيشتكى من تكه فى الموتور

لاقيتهم بيجربوها بره و شوفتها

عرفت منهم ان ده كسر فى الموتور و يقولو ده مش من عندنا يا باشا

و العربيه فى الضمان

و الله اخر قلت ادب و ذوق منهم

حاجه تانيه واحده ست معاها جولف الجديده
كل مره اروح فيها التوكيل الاقيها بتزعقلهم
علشان كل 4 شهور بتدفعلهم 7000 جنيه علشان تغير و تصلح اسطوانة الدبرياج و مش عارفين يصلحوها و هى ست استاذه فى الجامعه و تقولهم مرتبى فى الجامعه ميكفيش اللى بدفعه ده
و تقولهم غيرولى العربيه و مش عاوزين ابدا
--------------------------------------------------------------
اول مره اتنرفذ فى حياتى كده امبارح و جالى مدير الفرع هزقتوا قدام كل العملا ء عندهم

علشان ميصحش اجيب عربيتى سليمه و استلمها بايظه فى كل حاجه و عيب اوى اللى حصل ده


: sd::s d: