المشاركة الأصلية كتبت بواسطة tarek elbadry
اخى العزيز
ربنا يكرمك وتلاقى صنايعية تعرف تعملك الى انتة عاوزو
|
اراء حضرتك غاية فى الموضوعية يا استاذ طارق وانا روحت عند ميكانيكى متخصص ستروين فقط فى جسر السويس (اسمه فرج) يمكن سمعت عنه وعرضت عليه الفكرة وع اللى عاوز اعمله وكل حاجه اقولهاله يقولى عندى (الصنايعى طبعا اللى هيودينى ليه) وبصراحة الراجل ده انا جربته مره وارتحت له هوه شاب من سننا كده وملتحى اسمه محمود فرج وان شاء الله هروحله تانى واشوف الصنايعية دول واشوف شغلهم وبعدين اقرر
المشاركة الأصلية كتبت بواسطة tarek elbadry
اخى العزيز
ربنا يكرمك وتلاقى صنايعية تعرف تعملك الى انتة عاوزو
انا شايف (وهوه ده المطلوب) انك ترش العربية عند بهيجى كويس وتشد فرش الصلون
|
ده اساسى ان شاء الله
المشاركة الأصلية كتبت بواسطة tarek elbadry
الطبلوم عندك كويس مش وحش يتلمع
|
انا بس هجلد النص التحتانى عشان بفكر اعمل الكونسول اللى فى دماغى وطبع هيتكسى جلد من نفس نص التابلوه التحتانى عشان العك اللى فيه
المشاركة الأصلية كتبت بواسطة tarek elbadry
تركب العتب علشان دى ها يفرق جامد جدا فى شكل العربية ويا سلام على طقم جنوط اسبور كويس بيخليها تحفة وتسقط العفشة شوية ها تبقى جامدة اوى دى رئيى الشخصى
|
العتب مافيهوش خلاف مع الرفارف -الجنوط الاسبور انا عندى تحفظ عليها لانها مش عمليه زى الحديد الاصلى وثانيا هى اعرض فابالتالى هتأثر ع العفشة وكمان حضرتك عارف المطبات عندنا شكلها ايه وخايف جدا اهبط العربية لا الكارتيرة تحك فى المطبات لانى بعيد عنك ساكن فى حته مايعلم بيها الا ربنا لكن بفكر فى طاسات استانلس تفصيل بطريقة معينة يقارب من شكل الاسبور منه شكل حلو وبرضه حافظنا على الابعاد الاصلية للجنط وكمان (ان شاء الله) هيكون بيتركب ع العجل بمساميرة منعا للسرقة وفى النهاية رأيك افادنى جدا وعرفت ان افكارى ماراحتش لبعيد وجزاك الله خيرا