ازيك يا استاذ ميدو , يا عم بالراحه علينا احنا بنتكلم عن لانسر يعني مغلطناش في عربيه bentley ولا حاجه
ههههههه
أولا يا باشا خلينا نبقي متفقين إن كون أنك تطلع من حد أو حد يطلع منك دي بترجع لقدرات السائق بنسبه كبيره جدا وطبعا قدرات العربيه ليها دور منقدرش ننكره بس مينفعش عربيه كويسه مع سواق بيسوق سواقه عادييه وميقدرش يطلع كل قدرتها وفي الاخر نقول العربيه وحشه او مبتسحبش
ثانيا انتا عايز تقارن بين البومه موديل كام وتويوتا موديل كام ؟ ولا عايز تقارن الشارك علطول ؟؟ بس بيتهيئلي ان الموضوع في الأساس عن البومه مش على الشارك فخلينا في البومه مع ان الشارك فيها عيوب ولو عايز نتكلم فيها ممكن نعملها موضوع لوحدو عشان تبقي المشاركه مفتوحه أكتر وكل الأعضاء تشرفنا بمشاركتها وأرائها
ثالثا : المفاجأه إن السيفيك مش أحسنهم لوجود عيوب فيها ومتكرر بنسبه تتعدي ال 50% مثلا قاعده الفتيس لان العربيه واطيه ممكن مع خبطه بيقع وده تكلفتو عاليه جدا في الوكاله وده السيفيك الشكل الجديد بس القديم وحش طبعا فده اللي بيخلي سوق السيفك والطلب عليها اقل شويه رغم طبعا قدرات موتورها الرهيبه ...عليها سحبه كانت هتموتني من سنه عشان سرحت بس ثانيتين والله ثانتين ببص لقت نفسي تحت باجيروptmnlo123per144 والعربيه اتكنسلت وكانت حدوته
ثالثا بالنسبه للتيدا فدي اللي بجد تحفه دي اللي جه عليها وقت في الخليج انتشرت زي اللانسر في مصر وأكتر ههههههه
عربيه بجد محترمه جدا سعرها كويس خصوصا الهاتشباج وتقفيلها محترم يمكن اللي في مصر تقفيلها مش قد كده عشان ببتقفل في مصر هيا والصني والإكستريل بس بجد التيدا فعلا كوييسه.
بالنسبه للياباني والالماني وممكن نركب ايه والمقارنه بينهم ممكن برضو نعملهم موضوع قريب ونتكلم فيه براحتنا وبرضو عشان الناس كلها تشارك فيه بأرائهاptmnlo123per1141
بس بيني وبينك الألماني ألماني برضو ثبات إيه وسحب إيه عربيه راكزه وعاقله كده ولو انتا سواق واثق في نفسك تحسسك إنك مايكل شوماخر ورا عجلة القياده (بورش ,أودي , بي إم دبليو , مرسيدس
أحمدك يا رب)
تقبل مشاركتي يا باشا وشكرا لتعليقك علي رديptmnlo123per1147ptmnlo 123per1147