[xxx2007]

المشاركة الأصلية كتبت بواسطة ahmed_kamel شكرا ياحضرة العضو لم يقل الأخ العزيز شاتو أن أمريكا ليس بها فولكس !!! كما إقتبست لحضرتك حالا ... من كلماته ..... الراجل قال حتى عهد قريب لم يكن بأمريكا من فولكس غير الخنفساء لكن لم ينفي وجودها الآن بكافة موديلاتها !!!!!! وكوريا الجنوبيه حليفه لأمريكا منذ زمن طويل .... وكان لأسباب أخرى غير كوريا الشماليه .... (السبب اصلا اليابان عدوة كوريا وأمريكا حين ذلك الوقت) كوريا الشماليه لا تهتم بصناعة السيارات وليست هناك سيارات معروفه لدينا قادمه من كوريا الشماليه ...... لذا وجب التنبيه مرة أخرى شاكرين لحضرة العضو مره ثانيه مشرف القسم الأوروبي

شكرا للسيد احمد كامل مشرف القسم الاوروبى العزيز على المرور الكريم واود
اشكر حضرتك واحب اوضح شويه حاجات فى نقط سريعه جايز دى تكون اخر مره ادخل فيها عشان اليومين دول داخل عيد ان شاء الله وكل سنه وحضرتك طيب فمش هابقى فاضى اشارك
طبعا انا فهمت كويس كلام صديقى العضو شاتو وكلمه حتى عهد قريب دى ممكن تكون سنه ولا حاجه يعنى معرفكش مده محدده وحتى لو موجوده ممكن تبقى مودلين ولا حاجه وانتهينا واحتمال انهم مبقوش ليهم شعبيه و محدش يشتريهم غير اللى غاوى فولكس
اما انها تبقتى موجوده بقوه وليها موديلات ياما ومنتشره والناس عارفاها وبتشتريها دى قصه تانيه
وعموما فولكس فى امريكا مش فى امريكا تدخل ما تدخلش مش هاتفرق معانا فى حاجه ولا دخولها هايزوها وعدمه هاينقصاها فولكس هى فولكس اسم و سمعه و شعبيه وتاريخ طويل مش دخولها سوق امريكا هو اللى هايرفعها على رأى شاتو قاللك هوه عشان عربيه ولا ماركه عربيات معينه متدخلش امريكا ولا عشان امريكا اكبر سوق بيقى اللى بيعملها " دغوفات" ( اسف دا على حد تعبيره و من المشاركه اللى حضرتك لسه حالا مقتبسها ) ومش بيعرفو يعملو عربيات وعموما اللى ما يمشيش فى امريكا يمشى فى اوروبا وبراحتهم ان شاالله ماحبوها و اللى مش هايدخل سوقهم مش هايبوظ يعنى
و شكرا على المعلومات بتاعه كوريا دى تصدق انا اول مره اعرف ان كوريا الجنوبيه عدوه لليابان اصلى مش غاوى سياسه او ى ولا احب اكلم فيها بس اعمل للضروره احكام اضطريت لكدا بسبب الموضوع ،انا يدوب باشوف شويه اخبار على خفيف كدا عشان الضغط بعيد عنك دا فى السياسه الخارجيه اما السياسه الداخليه بقى فزى مانتا فاهم
و بالنسبه للعضو شاتو فانا لا سمح الله مش بحاول اكذب عليه ولا اقوله كلام ماقالوش وحتى يا سيدى لو حصل لبس ولا سوء فهم عندى و مالو لما حضرتك ولا هوه نفسه تدخلو و تصححولى ؟
و انا مفيش بينى وبينه لا سمح الله اى حاجه دا راجل محترم و حواره جميل هوه منحاز اوى لاوروبا و بحب عربياتها وبيدافع عنها لانه معاه ميجان و مشافش منها غير كل خير و مش بحب امريكا ولا عر بياتها عادى جدا براحته رأيه وهوه حر فيه و وجهه نظره على راسنا من فوق وعاوز حضرتك تفهم ان احنا مش داخلين مع بعض فى شد و جذب ولا حاجه لا سمح الله انا سألت سؤالت محدد عن حاجه محدده " ليه فيه اختلاف فى الاراء حولين الميجان " و كنت فاكر ان كل واحد هايخش يقول والله كان معايا ميجان وحصل كذا وبس يعنى يحكى قصه ولا اتنين من واقع تجربته وخلاص لكن لقيت الصديق شاتو تطرق لمواضيع تانيه خالص خلتنى افكر فى حاجات بالاضافه السؤال الاصلى بتاعى دخل فى مقارنات بين الاوروبى والامريكى و صناعه دول ودول و مين احسن ومين اوحش و حاجات كدا .
بالمناسبه اشكرك على التنبيه و لو انى منتبه كويس بس مايضرش
وعموما انا ماتفرقش معايا لا الامريكان ولا د عمى و لا الاوروبيين ولاد خالى ولا همه ولا سياستهم تهمنى من اساسه انا المهم عندى (اعتقد زى اى حد ) انى اشترى عربيه سعرها مناسب اداءها مناسب اسعار صيانتها وقطع غيارها مناسبه موفره فى البنزين معمره سعر اعاده بيعها لا بأس به شكلها حلو و بس ان شاالله تكون من انتاج دوله الشيكى دودو المتحده وانا مالى ؟
اقولك على حاجه كل اللى سألتهم قالولى ان كل دا متوفر فى الكورى و برغم انى مش بحب الكورى الا انى لماسمعت منهم ( اللى همه اهل الخبره يعنى اللى مجرب المانى على مجرب يابانى على مجرب امريكى على مجرب فرنساوى ) قلت يلا وماله مادام هاتريحنى يبقى اديها كورى
وانت يا حضره المشرف رأيك ايه ؟
اديها كورى ؟
ولا ............؟
وشكراً