باركولى :أخيرا اشتريت صنى 2011
أخيرا اشتريت صنى 2011 من اوتو ايجيبت مدينة نصر
العربية و الحمد لله جميلة جدا جدا
الجديد فيها انه بقت تنزل بتابلوه بيج اختيارى لجميع الالوان
العيب الوحيد اللى شايفه نوعية بعض انواع البلاستيك زى المرايات و الكاوتش حول الشنطة و الابواب
كمان ساعات لما بقف فى اشارة وانا على نقلة ال D وانا دايس فرامل تحس برعشة بسيطة فى العربية
مش عارف دى عادى ولا ايه؟
هما عاملين هدية باركينج سنسور وهما اللى بيركبوه مش عارف دة يلغى ضمان الكهرباء ولا لأ؟
غير كدة العربية ما شاء الله ممتازة جدا والنقل ناعم و صوت الموتور معقول جدا مش عالى زى ما كنت متخيل من اللى كنت باسمعه و الحمد لله
|