ممكن اقول راي مش عارف غلط ولا صح الماذدا 323 هتكون افضل البركة في الاعضاء
|
طبعاً المازدا 323 أفضل من أبو اللى خلفوهم هما الإثنين
بس المازدا أغلى شوية, يعنى من 17 - 22 حسب الحالة, و الراجل بيتكلم فى حاجه فى حدود الـ 15000
عيوب اللادا كتير, بس سواقين التاكسى خلو الصنايعية يخترعو لها حلول
زى مشاكل السخونه, و البيض و الدركسيون ....
الحاجات دى ليها تعديلات بتقضى على المشكلة (تغيير الريداتير و المروحة و إلغاء ترموستات الكوعه - بيض بلغارى لا يملص من التوكيل بعد التعديل أو بيض شيفرولية الدبابة و المداومة على تربيط العفشة بشكل دورى - تغيير الدركسيون لإسكاترا 131 بدون أى تعديل فى القواعد أو البارات و إنسى البوش)
العفشة الناشفة و صوت المكنه العالى ما لوش حل عملى حتى الآن
====================
الـ 128
الكبالن المضروبة بتتغير بسرعة خاصة مع الشوارع "الحرير" اللى طالعلها مطبات فى قفاها المكسر
الشاسية بيفتح (بينمل و يحصل فيه شقوق خفيفة) و بشكل شبه دورى, لازم تروح لسمكرى محترم يلحمه و إلا هتلاقى العربية غير متزنه تماماً (العجل الأمامى غير متوازى مع العجل الخلفى و تحدف على جنب - يمين أو شمال)
بتمسك بارومة بسرعه و بالتالى غالباً مش هتلاقى حاجه فابريكا دواخل (بعكس اللادا)
دى أغلب شكاوى أصحابها عنها و هما يفيدوك أكتر
و زى مقولتلك من الأول, هما الإثنين عربيات شقا و عاوزين يعذبوا أصحابهم , بس أحسن من عذاب المواصلات برضوا.
أعانك الله