المشاركة الأصلية كتبت بواسطة keto.lolo2012
شكرا لكم جميعا أخوتى على هذه الردود بارك الله فيكم..
ممكن طيب اعرف ايه الاجراءات اللى هاعملها هناك بالظبط من أول ما أوصل لبور سعيد وأقدر أعرف الورق هيخلص فى كام يوم هناك .أنا من قنا وبصراحة مش عارف الاجراءات.
لو الواحد معاه 21000 يجيبوا حاجة كويسة ..
|
21 مش يجيبوا حاجة تعيش معاك. زود لك شوية وهات نوبيرا 2 عربية أصيلة بجد.
1- تذكر أن الجواب صالح لمدة عام يعنى ممكن تشترى أى وقت خلال العام.
2-كذلك تذكر أنك نازل سوق فيه الخم للركب. التمهل هو الأساس فى هذه اللعبة.
3- كذلك لما التاجر يشوفك مهتم بعربية ما هيغلى لك فى سعرها ويرخص لك فى ثمن عربية تانية حتى ولو كانت احسن منها...
4- عدد الكيلومترات فى العداد ليست اساس تحكم به على جودة العربية. لان العربية ممكن تكون عدد كيلومتراتها قليلة ولكن عاملة حادثة أو متركب لها ربع هيكل
5- أسوء حاجة فى العربيات هو الصداء لانها بتأتى من بلاد باردة عادة. خلى بالك من الصدأ والبارومة
6- الفصال بالألفات وبعد الألفات الميات وحتى العشرات. فاصل فاصل فاصل. أنا نزلت فى عربيتى 4 الاف جنية
ربنا يوفقك وتذكر أنك تبقى تقول لنا عملت ايه,