[Marlborooo]

المشاركة الأصلية كتبت بواسطة د/محمود عبدالمقصود طيب ما حضرتك ممكن تشتري رينو فلوانس فرنساوي و فخمه و راسيه جدا و ممتازه ....التيدا ورق اقصد بها خفيفه و وقت الحوادث لا قدر الله حتبقى:3 6_2_16: ارجوك فكر تاني قبل ما ترمي فلوسك في عربيه زي التيدا مفهاش حاجه خالص غير جير و دريكسوين و تكيف و حبة بلاستيك ....يعني لادا بس على نضيف .....طالما نويت تدفع المبلغ ده كله اشتري عربيه لما تركبها تحس فعلا بالفخامه و قيمة الفلوس اللي اتدفعت و دي خيارات تانيه مني ليك اوبل استرا سيدان 2013 ب155 الف رينو فلوانس 2013 ب132 الف سيتروين c3 بيكاسو 2013 ب 128 الف بيجو 301 2013 متوقع تنزل كمان كام شهر باسعار ما بين 90 الى 120 الف و بالتوفيق ان شاء الله و السلام عليكم

يا ريس التيدا قطع غيارها معمرة وممتازة واسعارها عادية
لكن يجيب فلوانس قطع غيار غالية والفتيس الاوتوامتيك فيه ناتشة ولو لا قدر الله اتخبطت الواحد يبيع هدومه
او استرا اللي قطع غيارها محدش يعرف عنها حاجة بس هتكون نااار اغلي من قطع غيار الجيتا وسعرها اعلي بكتير من ميزانية الراجل
وطبعا سيتروين وتوكيل عز العرب اللي سمعته سبقاه


وكل العربيات اللي انت نصحته بيها لما يجي يبعها بعد ما يرخصها بنص ساعة يخسر فيها ربع تمنها وبعد سنة ولا اتنين نص تمنها
السيتروين c4 شوف بتتباع بكام دلوقتي ب60و 65 الف ومحدش بيرضي يشتريها كان تمنها 140 الف
وعربية ممتازة بس صيانتها وقطع غيارها بتكون مشكلة وغالية بالنسبة لناس كتير

التيدا اختيار موفق جدا وعلي فكرة فيها ايرباجز و abs , ebd
يعني فيها وسائل امان محترمة وبتدخل الاتحاد الاوروبي ومش فاكر اخدت كام في اختبارات التصادم الاوروبية بس رقم كويس

وكاعتمادية العربية ممكن تقعد 5 سنين لو استخدام متوسط بحالتها لو استخدام كويس تقعد اكتر

الصني اللي هي فئة اقل موجود منها عربيات بقالها اكتر من 10 سنين بحالتها

التيد الفكرة بالنسبة للي هيشتري ان الشكل الجديد محدش يعرف هينزل امتي بس لو نزل هيكون اغلي شوية اعتقد وشكله احلي كتير

تحياتي