المشاركة الأصلية كتبت بواسطة MohabSaeed
* فعلا احنا عندها عقده من الهاتش باك . الهاتش باك يعنى علبه صفيح ملهاش برستيج :-) !!!!!!!!!!
البونتو بجد هايله شيك و بسيطه و معمره و اقتصاديه جدا .
* قطع غيار الفيات متوفره عند الكيلانى فى وسط البلد , ابو عصام السيده زينب , شارع دمشق , الحرفين ... و كتير غيرهم فى كل مكان
و الاسعار و ببتتفاوت على حسب الجوده فى تيوانى و فى تركى و فى ايطالى .
البونتو عموما مش عربيه معقده و سهل صيانتها و ليها كذا مركز صيانه غير التوكيل . النيل الهندسيه و اخبار اليوم + المراكز الصغيره الى بتشتغل فى اى ماركه .
مين دلوقتى بيعتمد على التوكيل ؟
انا لسه عامل صيانه لعربيتى بره التوكيل و اسمها عربيه مش منتشره .
|
مركز اخبار اليوم اكتوبر خلاص ... بقى تبع فورد من ساعه الوكيل الجديد
النيل الهندسيه جربتهم .. مستريحتش معاهم ....
المشكله مش بس قطع غيار استهلاكيه ... العربيه طالما مش منتشره متلاقيش كل حاجتها
انا كانت معايا سيينا 1400 موديل 2000 ... كنت نازل اشتري اكره باب خارجي ... و قلت بالمره اجيب لوالدي (عربيته كانت كيا برايد وكان محتاج اكره برضو ) ..... لفيت كعب داير .. ...كانت ايه مشكله السيينا :-
كل باب له اكرنه بيعني ادام غير ورا و يمين غير شمال ...
لقيت الاصلي ب 110 جنيه ...كنت حشتري بس مش نفس اللون .. يعني لسه حرش
و انا بلف افتكرت اكره البرايد لقيتها في اول محل ب 15 جنيه ... وطبعا كله زي بعضه... يعني الاكره تركب على اي باب
في الاخر لقيت ب 65 تركي اكره ادام يمين اسمر اللي اتا عايزها ... بس بعد ايه
انا معرفش مدى توفير اوماترا لقطع العيار ... بس بقالهم 3 سنين و معملوش غير مركز صيانه واحد بس !!!!!