المشاركة الأصلية كتبت بواسطة MAWRO72
الاخوه الأعزاء توجهت بالأمس الى أحد مراكز الصيانه المهم علشان ما اطولش عليكم العربية كان فيها مشكلتين المشكله الأولى كانت بتغيب فى الدواره وهى سخنه وفى الآخر تبين انها فبرة الكونتاكت بتعلق وللأسف هى ناقصة فى السوق شوية مش هنلاقيها هنضطر نغير الكونتاكت وبالنسبة لأن العربية كانت ساعات بتقطع لدرجة انها بتبقى متلته تبين ان الفيشة بتاعاة الكهرباء اللى داخله على المبينة كانت مقطوعه والميكانيكى الغبى كان معدل فى المبينه وركب فيشه تانية فالفيشة دى ماكانتش موصله كهرباء صح وبالتالى العربية كانت لما تاخد مطب ساعات بتقطع وشكرا لكل اللى اهتم ورد على المشكله
|
الحمد لله ان المشكلة انتهت
بس انا اعرف ان فبرة الكونتاكت لما تعلق ما توصلش كهربا للمارش فما يدورش اساسا
وبعدين ايه علاقة السخونية او البروده بالفبرة كونها تشتغل والعربية باردة وتعطل لما تكون سخنة الصراحة انا مش مقتنع ان ده كان سبب المشكلة ... بس عموما خير ان العربية بقت تمام معاك