[ابوشروق]

المشاركة الأصلية كتبت بواسطة tham1010 أنا اللى بشكرك بشدة يا أبو شروق. انت فعلا أستاذ وخبرة وكلامك يستاهل ثقلة ذهب. ربنا يزيدك من المعرفة. أنا ممكن أغير القلب كلة عادى دى كلها 20 جنية للأثنين. ادول على الإيطالى. ولكن أليس مبكرا جدا أن يتلف قلب الخلاط بمجرد مرور 3 سنوات. هو جومانا دة أبو 370 جنية الطقم 3 قطع ( وش ومطبخ ودش) طلع فشنك ولا ايه, هل لو كان الطقم أيديال استاندر مثلا كان قعد أكثر. أنا فاكر انه على العلبة بتاع الجومانا كان مكتوب ضمان 10 سنوات باين. هو طقم الأيديال ستاندر الثلاث قطع بكام؟ بالنسبة للسيفون حضرتك بتقول أنى اعدل شوية فى العوامة علشان اقلل من منسوب المياة فكيف يتم هذا. هى العوامة بيكون طالع منها عمود حديد. ممكن توضيح أكثر.

السلام عليكم ورحمة الله وبركاته
ليس مبكر أن يتلف قلب الخلاط فى 3 سنوات
هذه مدة معقولة فى ناس ممكن تبوظ القلب فى أقل من سنه
وذلك بسبب سوء الاستخدام أو بمعنى أخر معملة الخلاط بعنف عند الغلق والضغط على المقبض لتأكد من غلق المياه وهذا يؤدى ألى تلف القلب
أما بخصوص سعر الخلاطات الايديال فيتراوح سعر الطقم الثلاث قطع من 800جنيه ألى 10000جنيه حسب الموديل وللعلم الضمان مدى الحياة
فأعذرنى لا يمكن المقارنه بينه وبين الجومانا
لكن يوجد طقم خلاطات بسعر معقول وأسمه جولد
صناعة مصرية وليس بضمان لكن عن تجربة كويس ويستحمل الاستخدام الشاق وسعر العادى منه 450جنيه والهندميكسر 650جنيه للثلاث قطع
بخصوص عوامة السيفون يوجد نوعية بها مسمار لضبط منسوب المياه موجود فى أخر العمود ألى حضرتك بتقول عليه يمكن ضبط المنسوب منه
ولو النوع ألى عند حضرتك مش موجود فيه
يبقا ممكن تثنى العمود ألى أسفل مسافه قليله جدا مع مراعاة الدقة لعدم كسر العوامة
أرجو أن أكون أفدتك
أخوك أيمن أبو شروق
01005314147
01287710555