اولا بشكرك على ردك الملىء بالمعلومات الجميلة يا استاذ ميدو .. وتأكد ان احنا هنا كلنا علشان نحاول نوصل لافضل كلام وبنتعلم من بعضنا
لكن اسمحلى ارد على بعض النقاط ..
اولا ... هوا انت تقصد ان الشارك المانيوال سريعة ؟ ... واسرع من الانترا كمان ؟؟ ... لانى معتقدتش ..
موتور الانسر الجديدة 1500 107 حصان .. اما موتور الانترا 1600 121 حصان
يعنى فى فرق كبير جدا فى الارقام هيبقى لصالح الانترا
ثانيا .. انا عمرى ما قلت ان الانسر زبالة .. ولو قلت كدا يبقى انا اسف .. اكيد التعبيير خانى
لكن كل الى كنت اقصدة هوا انها تكنولوجيا قديمة .. واكيد حضرتك متفق معايا فى كدا ...
لان شركة ميتسوبشى اصلا عملت موديل جديد من سنتين .. واكيد تفادات العيوب العيروب القديمة .. وغيرت الموتور والفتيس وانظمة التعليق والثبات وكل حاجة ... يعنى الانسر البومة دى بقت خلاص ... فى كتب التاريخ ... دا مش معناة انها عربية وحشة .. لكن لية اجيب قديم لما ممكن اجيب جديد ؟ ..
لية اسيب الانسر الجديدة واجيب القديمة
المقارنة بينهم زى المقارنة بين الياريس والايكو ... زى البورا والجيتا ...
لا تصلح ابدا ..
وثالثا .. بالنسبة لنقطة الفتيس .... حضرتك هوا اية الى بيقيس قدرة الفتيس فى التسارع "والريسيس" ؟
طبعا عدد النقلات وزمن الupshift ....
تعالى نعمل مقارنة بسيطة من النقطين دول فى الفتيس القديم والجديد
الفتيس القديم كان فى تقنية ال cvt وكان زمن الupshift اسرع وغير محسوس نهائيا
الفتيس الجديد عادى .. زى اى فتيس اوتوماتيك ومش هيقل زمن الupshift بتاعو عن 500 millisecond
الفتيس القديم كان 5 نقلات
الفتيس الجديد 4 نقلات
الفتيس القديم كان بيوفر فى استهلاك البنزين اكتر بفضل تكنولوجيا الcvt بردة
فطبعا الفتيس الجديد "عادى جدا" وملهوش اى لازمة غير الضحك على الناس .. والقديم افضل ملييييون مرة
وبعدين هقعد استخدم استيب ترونيك فى اربع نقلات هههههه .. يعنى 1و2و3و4 .. مش واكلة الحقيقة
رابعا ... ياريت حضرتك تتعرف اكتر على السيات ليون لانها بجد من احسن واجمل واشيك العربيات فى السوق المصرى ..
ماركتها seat
بالنسبة للكورولا ... انهو موتور الى تقيل ؟ .. موتور الكورولا 124 حصان .. ووزن العربية اقل من الاوكتافيا والجيتا والجولف الى شايلين 102 حصان وماشين زى الفل وبيسابقوا كمان
اما بالنسبة لوموضع الفتيس .. فقتل بحثا ! ..
وزى ما انت قولت ... الاسترا عربية افضل 100 مرة من الانسر ... المانى ... وفتيس لولبى .. وموتور قوى .. وشيك جدا جدا . وكماليات جميلة جدا .. وعلى فكرة استهلاك البنزين حلو جدا ويكاد يكون زى الانسر 1600
لكن مادام حضرتك من النوع الى بيحب يغير عربية بدرى يبقى عندك حق .. سعر اعادة البيع مش تمام
وحضرتك حكمت لية بفوز الانسر فى مقارنتها مع الكروز ؟ ... الكروز نازلة بعدها ب5 سنين .. واخر انتاجات gm .... ثبات وشكل وكماليات وسعر افضل من الانسر ... واستيب ترونيك كمان علشان الجماعة المصريين ميزعلوش ptmnlo123per154
بالنسبة بقا لليوزد ... انا بجد زعلان ان حضرتك سبت عربية زى الفيكترا الجديدة وجبت لانسر ..... حد يسيب المانى 1600 large family car ويجيب يابانى 1300 small family car
وعلى فكرة معدتش فية حاجة اسمها بطيخة وبرتقالة وتفاحة ! .... دلوقتى انتا ممكن تاخد العربية وتطتلع على اى فرع من فروع منصور اوتو .. وهيجيبلك تاريخا بالميلى ! ...
واسمحلى .. مادام حضرتك حضرتك مجربتش تتسارع بموتور الياريس يبقى لسة معرفتش يعنى ايى ياريس
انا متأكد 100 % ان الياريس 1300 اوتوماتيك تطلع من الانسر 1300 اوتو ماتيك ..
بعد ال100 وال 150 كمان ....
الانسر 1300 اوتو دى اصلا من ابطأ العربيات الى ركبتها فى حياتى ... تسارع من 0-100 فى مش اقل من 14-15 ثانية ptmnlo123per111
وبعدين ياراجل ؟؟؟ الانسر بومة اوسع من الكورولا ؟؟ يا راجل قول كلام غير دا ...
الكورولا والياريس اوسع طبعا بفرق واضح كمان .. لكن عندك حق .. الانسر اة اوسع من المازدا .. خصوصا منطقة الكنبة الخلفية
الانسر سيارة رياضية ؟ptmnlo123per122
طبعا ياباشاا الانسر 1600 اوتو تسبق الكورولا 1600 اوتو الشكل القديم
الانسر موتور 1600 122 حصان +فتيس cvt 5speed والكورولا موتور 1600 107 حصان +فتيس 4 speed بس
مع فرق الوزن كمان .. الانسر تطلع طبعا بدون نقاش
فى النهاية انا مش بقول على الانسر عربية وحشة ... كل اعتراضى على ..
انها موديل انتهى من العالم كلة من سنتين + انهم نزلوا فتيس اوحش وجنوط اوحش وزودا تمنها 15 الف + انها بقت بتدخل فى مقارنة مع الشكل الجديد بتعها .. ودى لوحدها مصيبة كبيرة
لكن هى كعربية .... اعتمادية عالية واثبتت كفاءة فى السوق المصرى فترة طويلة .. . لكن خلاص بقا.. احنا هناخد زمنا وزمن غيرنا ptmnlo123per122؟
انا لاحظت ان نبرتك كانت حادة نسبيا معايا فاحب اقولك تانى تأكد ان احنا هنا كلنا علشان نحاول نوصل لافضل كلام وبنتعلم من بعض .. فلو انا قلت كلام غلط ياريت تصصحهولى ولو انتا قلت كلام غلط هحاول اصصحهولك لاانا كلنا فى النهاية بنتعلم من بعض